ਸ਼ਹੀਦਾਂ ਦੇ ਸਿਰਤਾਜ ਦਾ ਰੁਤਬਾ

0
33

   ਸ਼ਹੀਦਾਂ ਦੇ ਸਿਰਤਾਜ ਦਾ ਰੁਤਬਾ

ਬਾਦਸ਼ਾਹ ਜਹਾਂਗੀਰ ਨੇ ਪੰਜਵੇਂ ਪਾਤਸ਼ਾਹ ਨੂੰ,

ਮਾਰਨ ਲਈ ਸਖ਼ਤ ਹੁਕਮ ਸੁਣਾਇਆ ਸੀ।

ਯਾਸਾ ਮੁਤਾਬਕ ਨਾ ਧਰਤੀ ’ਤੇ ਖੂਨ ਡਿੱਗੇ,

ਤਾਹੀਂ ਤੱਤੀ ਤਵੀ ਉੱਤੇ ਬਿਠਾਇਆ ਸੀ।

ਤੱਤੀ ਰੇਤ ਪਾਈ ਸਾਰੇ ਸਰੀਰ ਉੱਤੇ,

ਜ਼ਾਲਮਾਂ ਤਰਸ ਰਤਾ ਨਾ ਖਾਇਆ ਸੀ।

‘‘ਤੇਰਾ ਭਾਣਾ ਮੀਠਾ ਲਾਗੇ’’ ਉਚਾਰ ਮੂੰਹੋਂ,

ਅਨੋਖਾ ਕਾਰਨਾਮਾ ਕਰ ਦਿਖਾਇਆ ਸੀ।

ਪੂਰਾ ਰਾਹ ਸੀ ਬਚਣ ਦਾ ਮੌਤ ਕੋਲੋਂ,

ਪਰ ਐਸਾ ਕੋਈ ਨਾ ਹੀਲਾ ਅਪਣਾਇਆ ਸੀ।

‘ਮੇਜਰ’ ਤਸੀਹੇ ਭਰੀ ਮੌਤ ਗਲ ਲਾਈ,

ਸ਼ਹੀਦਾਂ ਦੇ ਸਿਰਤਾਜ ਦਾ ਰੁਤਬਾ ਪਾਇਆ ਸੀ।

ਲੇਖਕ – ਮੇਜਰ ਸਿੰਘ ਬੁਢਲਾਡਾ- 94176-42327