ਸਰਬੱਤ ਖਾਲਸਾ 2015

ਸੁਰਿੰਦਰ ਸਿੰਘ ‘ਖਾਲਸਾ‘–94662 66708, 97287 43287

ਆ ਰਹੀ ਤਰੀਕ ਦਸ ਨਵੰਬਰ ਦੋ ਹਜਾਰ ਪੰਦਰਾਂ ਦੀ, ਸਰਬੱਤ ਖਾਲਸਾ ਅੰਮਿਤ੍ਰਸਰ ਵਿਖੇ ਹੋ ਰਹਿਆ ਏ।
ਬਹੁਤ ਆਸਾਂ ਨੇ ਸਿੱਖਾਂ ਨੂੰ ਸਰਬੱਤ ਖਾਲਸਾ ਤੋਂ, ਪਰ ਖਾਲਸਾ ਜੀ ਤੁਹਾਡੇ ਨਾਂ ਤੇ ਇਹ ਕੀ ਹੋ ਰਹਿਆ ਏ।
ਉਹੀ ਚੇਹਰੇ ਨੇ ਬਾਰ-ਬਾਰ ਪਹਿਚਾਨੇ ਹੋਏ, ਜਿਹਨਾਂ ਦੇ ਤਾਰ ਪਿੱਛੇ ਬੈਠਾ ਕੋਈ ਹੋਰ ਹਿਲਾਅ ਰਹਿਆ ਏ।
ਫਜ਼ੂਲ ਐ ਸਾਰਥਕ ਸਿੱਟੇ ਦੀ ਕੋਈ ਆਸ ਰਖਣੀ, ਇਤਿਹਾਸ ਹੀ ਅਪਣੇ ਆਪ ਨੂੰ ਦੁਹਰਾਅ ਰਹਿਆ ਏ।
ਏਥੋਂ ਵੀ ਹੱਥ ਪੱਲੇ ਸਿੱਖਾਂ ਦੇ ਕੁੱਝ ਵੀ ਨਹੀਂ ਪੈਣਾ, ਇਹ ਕੌੜਾ ਸੱਚ ਸਾਹਮਣੇ ਹੀ ਨਜ਼ਰ ਆ ਰਹਿਆ ਏ।

ਸਰਬੱਤ ਖਾਲਸਾ ਲੰਘੇ ਤੋਂ ਬਾਅਦ।

ਸ਼ਰਬੱਤ ਖਾਲਸਾ ਦਾ ਰੌਲਾ ਕਈ ਦਿਨਾਂ ਤੋਂ ਪਾ ਰਹੇ ਸੀ, ਪਰ ਉਹ ਵੀ ਫਲਾਪ ਸ਼ੋ ਹੋ ਕਿ ਰਹਿ ਗਿਆ ਏ।
ਪੰਥ ਦਰਦੀਆਂ ਦੇ ਹੱਥੋਂ ਵਾਗਡੋਰ ਖਿਸਕੀ, ਇਹ ‘ਅੰਦੋਲਣ’ ਵੀ ਹਾਈ ਜੈਕ ਹੋਣਾ ਹੀ ਸੀ ਹੋ ਗਿਆ ਏ।
ਪੰਥਪ੍ਰੀਤ ਤੇ ਢਡਰੀਆਂ ਵਾਲੇ ਆਏ ਹੀ ਨਹੀਂ, ਕਿਉਂ ਨਹੀਂ? ਇਹ ਇਸ਼ਾਰਾ ਹੀ ਸਭ ਕੁੱਝ ਕਹਿ ਗਿਆ ਏ।
ਬਿਨਾਂ ਪ੍ਰਾਪਤੀ ਤੋਂ ਹੋਏ ਐਲਾਨ ਨਾਮੇ, ਇੱਟ-ਇੱਟ ਕਰਕੇ ਉਸਾਰਿਆ ਕਿਲਾ ਇਕੋ ਝੱਟਕੇ ਢਹਿ ਗਿਆ ਏ।
ਕੀਤੇ ਤੇਰਾਂ ਐਲਾਨ ਨਾਮੇ ਸਰਬਤ ਖਾਲਸਾ ਜੀ ਨੇ, ਪਰ ਮੁਖ ਮਸਲਾ ਤਾਂ ਉਥੇ ਦਾ ਉਥੇ ਹੀ ਰਹਿ ਗਿਆ ਏ।
ਗੋਟੀਆਂ ਫਿੱਟ ਹੋਈਆਂ ਫਿਰ ਤੋਂ ਸ਼ਤਰੰਜ ਦੀਆਂ, ‘ਪੰਥ ਦੋਖੀ’ ਬਾਦਲ ਫੇਰ ਪੰਥ ਦੇ ਹਡੀਂ ਬਹਿ ਗਿਆ ਏ।
ਸਿੱਖਾਂ ਨੂੰ ਊਲੂ ਬਣਾਉਣਾ ਸੀ ਫਿਰ ਬਣਾ ਗਏ ਨੇ, ਇੱਕ ਵਾਰੀ ਫੇਰ ਦੁਸ਼ਮਨ ਮੈਦਾਨ ਮਾਰ ਕੇ ਲੈ ਗਿਆ ਏ।
ਵਿਦੇਸ਼ੀਂ ਵਸੇ ਸਿੱਖਾਂ ਤੋਂ ਕੁੱਝ ਆਸ ਸੀ, ਸਭ ਨੂੰ, ਪਰ ਉਨ੍ਹਾਂ ਦਾ ਮੁਲ੍ਹਮਾਂ ਵੀ ਕੁੱਝ ਨਾ ਕੁੱਝ ਲਹਿ ਗਿਆ ਏ।
ਜਗਤਾਰ ਸਿੰਘ ਹਵਾਰੇ ਦੇ ਨਾਮ ਨੂੰ ਵਰਤ ਲਿਆ ਏ, ਬਾਕੀਆਂ ਬਾਰੇ ਮੀਡੀਆ ਬਹੁਤ ਕੁੱਝ ਕਹਿ ਰਿਹਾ ਏ।
ਕੋਈ ਉਸਾਰੂ ਸੇਧ ਨਹੀਂ ਸਿੱਖਾਂ ਨੂੰ ਦੇ ਸਕਿਆ, ਇੱਕ ਗਧਾਰ ਦੀ ਗੱਦੀ ਕੋਈ ਦੂਜਾ ਹੋਰ ਬਹਿ ਗਿਆ ਏ।
ਕੌਣ ਨਫੇ `ਚ ਰਿਹਾ ਕੌਣ ਫਾਇਦਾ ਉਠਾ ਗਿਆ ਮੌਕੇ ਦਾ, ਪਰ ਸਿੱਖ ਕੌਮ ਨੂੰ ਤਾਂ ਘਾਟਾ ਹੀ ਪੈ ਗਿਆ ਏ।
ਸਿੱਖ ਕੌਮ `ਚ ਜ਼ੋਸ਼ ਤਾਂ ਕਦੇ ਵੀ ਘਟਿਆ ਨਹੀਂ, ਪਰ ਹਮੇਸ਼ਾ ਹੀ ਲੀਡਰਸ਼ਿੱਪ ਦਾ ਹੀ ਭੱਠਾ ਬਹਿ ਗਿਆ ਏ।
ਸ਼ਰਕਾਰ ਤੇ ਐਸ. ਜੀ. ਪੀ. ਸੀ ਕਿਉਂ ਇਨ੍ਹਾਂ ਦੀ ਗੱਲ ਮਨੇਂ, ‘ਮੱਕੜ’ ਤਾਂ ਸ਼ਰੇਆਮ ਪ੍ਰੈਸ `ਚ ਕਹਿ ਰਿਹਾ ਏ।
ਕਿਤੇ ਫੇਰ ਨਾ ਸਿੱਖ, ਸਿੱਖਾਂ ਭਰਾਵਾਂ ਦਾ ਲਹੂ ਡੋਲ੍ਹਣ, ਇਸ ਖਦਸ਼ੇ ਦਾ ਅਲਾਰਮ. ਅੱਜ ਸਮਾਂ ਦੇ ਰਿਹਾ ਏ।
‘ਸੁਰਿੰਦਰ ਸਿੰਘਾ’ ਸਿੱਖਾਂ ਦੀ ਏਹੋ ਟ੍ਰੇਜ਼ਡੀ ਏ, ਹੱਥ ਆਇਆ ਮੌਕਾ ਬਿਨਾਂ ਵਰਤਿਆਂ ਹਮੇਸ਼ਾ ਰਹਿ ਗਿਆ ਏ।