ਸਿਰਫਿਰੇ ਕਾਤਿਲ

0
447

ਸਿਰਫਿਰੇ ਕਾਤਿਲ

ਕੀਤੇ ਜ਼ੁਲਮ ਸਰਕਾਰਾਂ ਜੋ ਕੌਂਮ ਉੱਤੇ, ਹੱਕ ਅਤੇ ਇਨਸਾਫ਼ ਉਹਦਾ ਮੰਗਦੇ ਹੋ।

ਆਪ ਦੇ ਕੇ ਸੁਪਾਰੀਆਂ ਕਾਤਿਲਾਂ ਨੂੰ, ਸਕੇ ਭਾਈਆਂ ਨੂੰ ਸੂਲੀ ’ਤੇ ਟੰਗਦੇ ਹੋ।

ਹਿੱਕਾਂ ਠੋਕ ਕੇ ਧਮਕੀਆਂ ਦੇਣ ਵਾਲੇ, ਹੋਲੀ ਕੌਂਮ ਦੇ ਲਹੂ ਨਾਲ ਖੇਡਦੇ ਨੇ।

ਝੁੱਗੇ ਫੂਕ ਕੇ ਆਪਣੇ ਸਾਥੀਆਂ ਦੇ, ਲਾਂਬੂ ਲਾ ਕੇ ਧੂੰਣੀਆਂ ਸੇਕਦੇ ਨੇ।

ਬੱਚੇ ਕਰ ਯਤੀਮ ਗਵਾਂਢੀਆਂ ਦੇ, ਦਾਤ ਪੁੱਤਾਂ ਦੀ ਲੋਕਾਂ ਨੂੰ ਵੰਡਦੇ ਹੋ।

ਕਾਲੇ ਕੰਮਾਂ ’ਤੇ ਕਰੋ ਅਫ਼ਸੋਸ ਕੋਈ ਨਾ, ਅਜੇ ਹੋਰ ਵੀ ਕੌਂਮ ਨੂੰ ਭੰਡਦੇ ਹੋ।

ਜਿੱਦਾਂ ਕੀਤੀ ਹੈ ਇੱਦਾਂ ਹੀ ਕਰਾਂਗੇ ਵੀ, ਅਸਲਾ ਚੁੱਕ ਕੇ ਭੱਬਕੀਆਂ ਮਾਰਦੇ ਹੋ।

ਬੇਸ਼ਰਮੀ ਦਾ ਨੱਚਦੇ ਨਾਅਚ ਨੰਗਾ, ਸਿੱਖੀ ਪ੍ਰੰਪਰਾ ਤਾਈਂ ਲਲਕਾਰਦੇ ਹੋ।

ਮੀਰੀ ਪੀਰੀ ਦਾ ਸਿੱਖੀ ਸਿਧਾਂਤ ਸਾਡਾ, ਗੈਂਗਵਾਰ ਵਿੱਚ ਉਸ ਨੂੰ ਰੋਲ ਦਿੱਤਾ।

ਲਾ ਕੇ ਦਾਗ ਕਲੰਕ ਦਾ ਚਿਹਰਿਆਂ ’ਤੇ, ਖਾਨਾਂਜੰਗੀ ਦਾ ਬੂਹਾ ਕਿਉਂ ਖੋਲ੍ਹ ਦਿੱਤਾ।

ਮੇਰਾ ਪ੍ਰਸ਼ਨ ਉਹਨਾਂ ਬਹਾਦਰਾਂ ਨੂੰ, ਬਹਿਰੂਪੀਓ  ! ਸੁਣੋ ਧਿਆਨ ਲਾ ਕੇ।

ਕੀਹਨੇ ਮਾਰਿਆ ਤੁਹਾਡੇ ਪਿਓ ਤਾਂਈਂ, ਦੋ ਮਸੂਮਾਂ ਪੁੱਛਿਓ ਤੁਸੀਂ ਜਾ ਕੇ।

ਤੁਹਾਡੇ ਪਿਤਾ ਦਾ ਕੀ ਕਸੂਰ ਹੈ ਸੀ, ਇਹ ਵੀ ਉਹਨਾਂ ਤੋਂ ਪੁੱਛ ਕੇ ਦੱਸਿਓ ਜੇ।

ਪਹਿਲੋਂ ਇਹਨਾਂ ਸਵਾਲਾਂ ਦਾ ਦਿਓ ਉੱਤਰ, ਮਗਰੋਂ ਕੀਤੀ ਕਰਤੂਤ ’ਤੇ ਹੱਸਿਓ ਜੇ।

ਜਸਵਿੰਦਰ ਸਿੰਘ ਅਮਰਕੋਟ-99140-17266