ਕਿੰਨਿਆਂ ਦੀ ਜ਼ਿੰਦਗੀ ਬਲੈਕ ਕਰਨੀ, ਨੀ ਤੂੰ ਲਾਲ ਬੱਤੀਏ !
ਵੱਟ ਲਏ ਕ੍ਰੋੜਾਂ ਤੂੰ ਸਮੈਕ ਵੇਚ ਕੇ, ਮਾਪੇ ਬਹਿ ਗਏ ਪੁੱਤਰਾਂ ਦੇ ਸਿਵੇ ਸੇਕ ਕੇ।
ਵੱਟ ਲਏ ਕ੍ਰੋੜਾਂ ਤੂੰ ਸਮੈਕ ਵੇਚ ਕੇ, ਮਾਪੇ ਬਹਿ ਗਏ ਪੁੱਤਰਾਂ ਦੇ ਸਿਵੇ ਸੇਕ ਕੇ।
ਹੁੰਦੇ ਮਾੜੇ ਕੰਮਾਂ ਦੇ ਨਤੀਜੇ ਸਦਾ ਮਾੜੇ, ਹੁੰਦੇ ਮਾੜੇ ਕੰਮਾਂ ਦੇ ਨਤੀਜੇ ਸਦਾ ਮਾੜੇ।
ਓ ਵਸਦਾ ਕਿਸੇ ਦਾ ਘਰ ਨਾ ਪੱਟੀਏ।
ਕਿੰਨਿਆਂ ਦੀ ਜ਼ਿੰਦਗੀ ਬਲੈਕ ਕਰਤੀ, ਨੀ ਤੂੰ ਲਾਲ ਬੱਤੀਏ !
ਕਿੰਨਿਆਂ ਦੀ ਜ਼ਿੰਦਗੀ ਬਲੈਕ ਕਰਤੀ, ਨੀ ਤੂੰ ਲਾਲ ਬੱਤੀਏ !
ਨਸ਼ਿਆਂ ’ਚੋਂ ਹੋ ਗਿਆ ਏ ਇੱਕ ਨੰਬਰੀ, ਇਹ ਪੰਜਾਬ ਰੰਗਲਾ।
ਭੈਣਾਂ ਨੂੰ ਭਰਾਵਾਂ ਦੀਆਂ ਲਾਸ਼ਾਂ ਦੇਖ ਕੇ, ਕੁੜੇ! ਪੈਣ ਦੰਦਣਾਂ।
ਨਸ਼ਿਆਂ ’ਚੋਂ ਹੋ ਗਿਆ ਏ ਇੱਕ ਨੰਬਰੀ, ਇਹ ਪੰਜਾਬ ਰੰਗਲਾ।
ਭੈਣਾਂ ਨੂੰ ਭਰਾਵਾਂ ਦੀਆਂ ਲਾਸ਼ਾਂ ਦੇਖ ਕੇ, ਕੁੜੇ! ਪੈਣ ਦੰਦਣਾਂ।
ਪਿੰਜਰ ਬਣਾ ਤੇ ਕਿੰਨੇ ਪੁੱਤ ਮਾਵਾਂ ਦੇ, ਪਿੰਜਰ ਬਣਾ ਤੇ ਕਿੰਨੇ ਪੁੱਤ ਮਾਵਾਂ ਦੇ।
ਅੱਗ ਦੀਏ ਭੇਠੀਏ !
ਕਿੰਨਿਆਂ ਦੀ ਜ਼ਿੰਦਗੀ ਬਲੈਕ ਕਰਤੀ, ਨੀ ਤੂੰ ਲਾਲ ਬੱਤੀਏ !
ਕਿੰਨਿਆਂ ਦੀ ਜ਼ਿੰਦਗੀ ਬਲੈਕ ਕਰਤੀ, ਨੀ ਤੂੰ ਲਾਲ ਬੱਤੀਏ !
ਅੱਕ ਕੇ ਕਿਸੇ ਨੂੰ ਜਦ ਮੁੱਢ ਪੈ ਗਿਆ, ਹਥਿਆਰ ਰੱਖਣਾ।
ਤੂੰ ਤਾਂ ਫਿਰ ਉਸ ਭੋਲ਼ੇ ਭਾਲ਼ੇ ਜੱਟ ਨੂੰ, ਖਾੜਕੂ ਹੀ ਦੱਸਣਾ।
ਅੱਕ ਕੇ ਕਿਸੇ ਨੂੰ ਜਦ ਮੁੱਢ ਪੈ ਗਿਆ, ਹਥਿਆਰ ਰੱਖਣਾ।
ਤੂੰ ਤਾਂ ਫਿਰ ਉਸ ਭੋਲ਼ੇ ਭਾਲ਼ੇ ਜੱਟ ਨੂੰ, ਖਾੜਕੂ ਹੀ ਦੱਸਣਾ।
ਠਾਰਦੂ ਬਰਫ਼ ਵਾਂਗੂ ਕੋਈ ਵੈਰਨੇ ! ਠਾਰਦੂ ਬਰਫ਼ ਵਾਂਗੂ ਕੋਈ ਵੈਰਨੇ !
ਬਾਲ਼ੀਏ ਨੀ ਤੱਤੀਏ !
ਕਿੰਨਿਆਂ ਦੀ ਜ਼ਿੰਦਗੀ ਬਲੈਕ ਕਰਤੀ, ਨੀ ਤੂੰ ਲਾਲ ਬੱਤੀਏ!
ਕਿੰਨਿਆਂ ਦੀ ਜ਼ਿੰਦਗੀ ਬਲੈਕ ਕਰਨੀ, ਨੀ ਤੂੰ ਲਾਲ ਬੱਤੀਏ !
