ਭਾਰਤ-ਪਾਕਿ ਜ਼ੰਗੀ ਮਾਹੌਲ ਨੂੰ ਠੱਲਣਾ ਸਮੁੱਚੀ ਮਾਨਵਤਾ ਤੇ ਵਾਤਾਵਰਣ ਦੇ ਹਿਤ ਵਿਚ : ਪੰਥਕ ਤਾਲਮੇਲ ਸੰਗਠਨ

0
216

ਭਾਰਤ-ਪਾਕਿ ਜ਼ੰਗੀ ਮਾਹੌਲ ਨੂੰ ਠੱਲਣਾ ਸਮੁੱਚੀ ਮਾਨਵਤਾ ਤੇ ਵਾਤਾਵਰਣ ਦੇ ਹਿਤ ਵਿਚ : ਪੰਥਕ ਤਾਲਮੇਲ ਸੰਗਠਨ

ਮਾਰਚ : ਸਿੱਖ ਸੰਸਥਾਵਾਂ ਅਤੇ ਸ਼ਖ਼ਸੀਅਤਾਂ ਦੇ ਮੰਚ ਪੰਥਕ ਤਾਲਮੇਲ ਸੰਗਠਨ ਦੇ ਕਨਵੀਨਰ ਗਿਆਨੀ ਕੇਵਲ ਸਿੰਘ ਸਾਬਕਾ ਜਥੇਦਾਰ ਤਖਤ ਸ੍ਰੀ ਦਮਦਮਾ ਸਾਹਿਬ ਨੇ ਭਾਰਤ-ਪਾਕਿ ਜ਼ੰਗੀ ਮਾਹੌਲ ਪ੍ਰਤੀ ਚਿੰਤਾ ਦਾ ਪ੍ਰਗਟਾਵਾ ਕਰਦਿਆਂ ਕਿਹਾ ਕਿ ਅਜਿਹੇ ਅਮਲ ਮਾਨਵਤਾ, ਬਨਸਪਤੀ ਅਤੇ ਸਮੁੱਚੇ ਵਾਤਾਵਰਣ ਲਈ ਅਤਿ ਖਤਰਨਾਕ ਹਨ। ਹੀਰੋਸ਼ੀਮਾ ਅਤੇ ਨਾਗਾਸਾਕੀ ਦੀ ਤਬਾਹੀ ਦੇ ਲੂੰ-ਕੰਡੇ ਖੜ੍ਹੇ ਕਰਦੇ ਤਜ਼ਰਬੇ ਸੰਸਾਰ ਦੇ ਸਾਹਮਣੇ ਹਨ। ਦਿਲ-ਦਿਮਾਗ ਤੋਂ

ਉਹਨਾਂ ਕਿਹਾ ਕਿ ਇਸ ਖਿੱਤੇ ਦੇ ਹੱਕ ਵਿਚ ਹੈ ਕਿ ਲੋਕਾਂ ਦੀਆਂ ਅੰਦਰੂਨੀ ਭਾਵਨਾਵਾਂ ਦੇ ਸਨਮੁਖ ਸੰਵਾਦ ਰਚਾਇਆ ਜਾਵੇ ਅਤੇ ਹੱਲ ਵੱਲ ਵਧਿਆ ਜਾਵੇ। ਮਨੁੱਖ ਮਾਰੂ ਅਤੇ ਫਿਰਕੂ ਸੋਚ ਨੂੰ ਬਦਲਣ ਲਈ ਸਰਕਾਰੀ ਪੱਧਰ ’ਤੇ ਨੀਤੀਆਂ ਅਪਣਾਈਆਂ ਜਾਣ।

ਪੰਥਕ ਤਾਲਮੇਲ ਸੰਗਠਨ ਨੇ ਭਾਰਤੀ ਹਵਾਈ ਫੌਜ ਦੇ ਚਾਲਕ ਅਭਿਨੰਦਨ ਦੀ ਵਾਪਸੀ ਸਬੰਧੀ ਪਾਕਿ ਦੇ ਕਦਮ ਨੂੰ ਸਹੀ ਠਹਿਰਾਇਆ।  ਉਚੇਚੇ ਤੌਰ ’ਤੇ ਮੀਡੀਏ ਵੱਲੋਂ ਪਲ਼ ਪਲ਼ ਦੀ ਖ਼ਬਰ ਦੇਣ ’ਤੇ ਤਸੱਲੀ ਦਾ ਪ੍ਰਗਟਾਵਾ ਕੀਤਾ। ਇਸ ਦੇ ਨਾਲ ਹੀ ਅਪੀਲ ਕੀਤੀ ਕਿ ਮੀਡੀਏ ਦਾ ਉਹ ਹਿੱਸਾ ਜੋ ਸਨਸਨੀਖੇਜ਼ ਪ੍ਰਗਟਾਵੇ ਕਰਨ ਲਈ ਭੜਕਾਹਟੀ ਤਕਰੀਰਾਂ ਪੇਸ਼ ਕਰਦਾ ਹੈ ਅਤੇ ਸੁਰੱਖਿਆ ਭੇਦਾਂ ਨੂੰ ਜਨਤਕ ਕਰ ਰਿਹਾ ਹੈ, ਉਹ ਆਪਣੀ ਸਮੀਖਿਆ ਜ਼ਰੂਰ ਕਰੇ। ਜਦੋਂ ਸੀਮਾ ’ਤੇ ਜਵਾਨ ਅਤੇ ਆਮ ਨਾਗਰਿਕ ਮਰ ਰਹੇ ਹਨ ਤਾਂ ਉਸ ਵੇਲੇ ਜਸ਼ਨ ਮਨਾਉਣ ਵਾਲੇ ਲੋਕ ਜਮਹੂਰੀਅਤ ਪਸੰਦ ਲੋਕਾਂ ਦੇ ਜ਼ਖਮਾਂ ’ਤੇ ਲੂਣ ਨਾ ਛਿੜਕਣ ਬਲਕਿ ਸੁਨਹਿਰੀ ਭਵਿੱਖ ਸਿਰਜਣ ਲਈ ਪੂਰੇ ਸੰਜਮ ਨਾਲ ਦਿਲ-ਦਿਮਾਗ ਤੋਂ ਭੂਮਿਕਾ ਨਿਭਾਉਣ।