ਪੰਥਕ ਮੁੱਦਿਆਂ ’ਤੇ ਮੌਨ ਧਾਰਨ ਵਾਲੇ ਬਾਦਲ ਦੇ ਹਮਾਇਤੀ ਸਾਧਾਂ ਨੂੰ ਮੂੰਹ ਨਾ ਲਾਇਆ ਜਾਵੇ

0
132

ਗੁਰਦੁਆਰਾ ਸਿੰਘ ਸਭਾ ਆਫ਼ ਵਾਸ਼ਿੰਗਟਨ ਦੀ ਕਮੇਟੀ ਵਲੋਂ ਦੇਸ਼ ਵਿਦੇਸ਼ ਦੀਆਂ ਸਿੱਖ ਸੰਗਤਾਂ ਨੂੰ ਅਪੀਲ

ਪੰਥਕ ਮੁੱਦਿਆਂ ’ਤੇ ਮੌਨ ਧਾਰਨ ਵਾਲੇ ਬਾਦਲ ਦੇ ਹਮਾਇਤੀ ਸਾਧਾਂ ਨੂੰ ਮੂੰਹ ਨਾ ਲਾਇਆ ਜਾਵੇ

ਵਸ਼ਿੰਗਟਨ, 15 ਫ਼ਰਵਰੀ : ਗੁਰੂ ਗ੍ਰੰਥ ਸਾਹਿਬ ਜੀ ਦੀ ਬੇਅਦਬੀ, ਤੋਂ ਲੈ ਕੇ ਕਿੰਨੇ ਹੋਰ ਪੰਥਕ ਮਸਲਿਆਂ ’ਤੇ  ਮੂੰਹ ਬੰਦ ਰੱਖਣ ਵਾਲੇ ਸੰਤ ਸਮਾਜ ਵੱਲੋਂ ਆ ਰਹੀਆਂ ਵਿਧਾਨ ਸਭਾ ਚੋਣਾਂ ’ਚ ਅਕਾਲੀ ਦਲ ਬਾਦਲ ਦੇ ਸਮਰਥਨ ’ਚ ਵੋਟਾਂ ਪਾਉਣ ਦੀ ਕੀਤੀ ਗਈ ਅਪੀਲ ਦਾ ਸਖਤ ਨੋਟਿਸ ਲੈਂਦੇ ਹੋਏ ਗੁਰਦੁਆਰਾ ਸਿੰਘ ਸਭਾ ਆਫ਼ ਵਾਸ਼ਿੰਗਟਨ ਦੀ ਕਮੇਟੀ ਦੇ ਪ੍ਰਧਾਨ ਸਰਦਾਰ ਦਲਬੀਰ ਸਿੰਘ ਗੁਰਾਇਆ ਵਲੋਂ ਕਮੇਟੀ ਅਤੇ ਕੁਝ ਸਿੱਖ ਚਿੰਤਕਾਂ ਨਾਲ  ਮੀਟਿੰਗ ਰੱਖੀ ਗਈ। ਮੀਟਿੰਗ ’ਚ ਹਾਜਰ ਵੱਡੀ ਗਿਣਤੀ ਮੈਂਬਰਾਂ ਨੇ ਹੈਰਾਨੀ ਪ੍ਰਗਟਾਈ ਕਿ ਸਿੱਖੀ ਨੂੰ ਬ੍ਰਹਮਣਵਾਦ ਦੀ ਪੁੱਠ ਚੜ੍ਹਾਉਣ ’ਚ ਵੱਡਾ ਯੋਗਦਾਨ ਪਾਉਣ ਵਾਲੇ ਇਸ ਸੰਤ ਸਮਾਜ ਨੇ ਕਿਸਾਨੀ ਅੰਦੋਲਨ, ਗੁਰੂ ਗ੍ਰੰਥ ਸਾਹਿਬ ਜੀ ਦੇ ਸਰੂਪ ਗਾਇਬ ਹੋਣ, ਨਸ਼ਿਆਂ ਦੀ ਵਿੱਕਰੀ, ਪੰਜਾਬ ਦੇ ਪਾਣੀ ਖਤਮ ਹੋਣ ਕਿਨਾਰੇ, ਇਤਿਹਾਸ ਦਾ ਮਲੀਆਮੇਟ ਕਰਨ, ਸੌਦਾ ਸਾਧ ਨੂੰ ਮੁਆਫ਼ੀ ਦੇਣ ਵੇਲੇ ਅਤੇ ਬੰਦੀ ਸਿੰਘਾਂ ਦੀ ਰਿਹਾਈ ਤੱਕ ਕਿੰਨੇ ਹੋਰ ਪੰਥਕ ਮਸਲਿਆਂ ’ਤੇ ਮੂੰਹ ਬੰਦ ਰੱਖਣ ਵਾਲਾ ਇਹ ਸਾਧ ਲਾਣਾ ਕਿਵੇਂ ਬਾਦਲਾਂ ਦੀਆਂ ਜੁੱਤੀਆਂ ਝਾੜ ਰਿਹਾ ਹੈ।  ਉਨ੍ਹਾਂ ਫੈਸਲਾ ਕੀਤਾ ਕਿ ਵਿਦੇਸ਼ਾਂ ਵਿਚ ਆਉਣ ’ਤੇ ਇਨ੍ਹਾਂ ਸਾਧਾਂ ਨੂੰ ਸੁਆਲ ਕੀਤੇ ਜਾਣਗੇ। ਉਨ੍ਹਾਂ ਸਿੱਖ ਸੰਗਤਾਂ ਨੂੰ ਅਪੀਲ ਵੀ ਕੀਤੀ ਕਿ ਖ਼ੁਦ ਬਾਣੀ ਪੜ੍ਹੀ ਅਤੇ ਸਮਝੀ ਜਾਵੇ ਤਾ ਕਿ ਕੌਮ ਨੂੰ ਲੱਗੇ ਇਸ ਘੁਣ ਤੋਂ ਆਪਣੀਆਂ ਅਗਲੀਆਂ ਪੀੜ੍ਹੀਆਂ ਬਚਾਈਆਂ ਜਾ ਸਕਣ।

ਜਾਰੀ ਕਰਤਾ : ਜਸਵਿੰਦਰ ਸਿੰਘ ਪੰਨੂ
206 941 9700

99960cookie-checkਪੰਥਕ ਮੁੱਦਿਆਂ ’ਤੇ ਮੌਨ ਧਾਰਨ ਵਾਲੇ ਬਾਦਲ ਦੇ ਹਮਾਇਤੀ ਸਾਧਾਂ ਨੂੰ ਮੂੰਹ ਨਾ ਲਾਇਆ ਜਾਵੇ