ਨਸ਼ਿਆਂ ਦਾ ਕਾਰੋਬਾਰ
ਫੜੇ ਗਏ ਲੱਖਾਂ ਦੇ ਨਸ਼ੇ ਸੂਬੇ ਵਿੱਚੋਂ,
ਖ਼ਬਰਾਂ ਪੜ੍ਹ ਕੇ ਕਿਉਂ ਹੋਈ ਜਾਂਦੇ ਸ਼ਰਮਸਾਰ ਲੋਕੋ !
ਹੁੰਦੀਆਂ ਗ੍ਰਿਫਤਾਰੀਆਂ ਪਰ ਸਜ਼ਾ ਕਿਸੇ ਨੂੰ ਨਹੀਂ,
ਅਮਰਵੇਲ ਵਾਂਗ ਵਧ ਰਿਹੈ ਕਾਰੋਬਾਰ ਲੋਕੋ !
ਸਰਕਾਰਾਂ ਖ਼ੁਸ਼ ਨੇ ਨਸ਼ੇ ਦੀ ਲਤ ਲਾ ਕੇ,
ਨੌਜ਼ਵਾਨ ਮੰਗਣ ਆ ਕੇ ਰੁਜ਼ਗਾਰ ਲੋਕੋ !
ਪੰਜਾਬ ਪੈ ਗਿਐ ਤਰੱਕੀ ਦੀ ਲੀਹ ਉੱਤੇ,
ਛੇਤੀ ਖੁਲ੍ਹ ਜਾਣੇ ਨਸ਼ਿਆਂ ਦੇ ਬਿੱਗ ਬਾਜ਼ਾਰ ਲੋਕੋ !
ਮੰਤਰੀ-ਸੰਤਰੀ ਖੜ੍ਹਕਾਉਣ ਬਹਿ ਕੇ ਪੈੱਗ ਸ਼ਾਮੀ,
ਮੁਨਾਫ਼ਾ ਅਰਬਾਂ ਨੂੰ ਕਰ ਗਿਐ ਪਾਰ ਲੋਕੋ !
‘ਕਰਨਜੀਤ’ ਜੇ ਪਿਉ ਦੀ ਬੁੱਕਲ ’ਚ ਮਰੇ ਪੁੱਤਰ,
ਤਾਂ ਇਹ ਜਿੱਤ ਨਹੀਂ, ਸਗੋਂ ਸਾਡੀ ਹਾਰ ਲੋਕੋ !
ਕਰਨਜੀਤ ਸਿੰਘ (ਰੋਪੜ)-97794-70245
