ਭਾਈ ਰਣਜੀਤ ਸਿੰਘ ਜੀ ਦੀ ਇਸ ਵਿਚਾਰ ਨਾਲ ਕੀ ਤੁਸੀਂ ਸੰਤੁਸ਼ਟ ਹੋ ਗਏ ?

0
473

ਦਰਅਸਲ, ਭਾਈ ਰਣਜੀਤ ਸਿੰਘ ਜੀ ਢੱਡਰੀਆਂ ਵਾਲੇ ਇਸ ਵੀਡੀਓ ਰਾਹੀਂ ਹਰਨੇਕ ਸਿੰਘ ਨਿਊਜੀਲੈਂਡ ਦੁਆਰਾ ਉੱਠਾਏ ਗਏ ਗੁਰੂ ਰੁਤਬੇ ਉੱਤੇ ਸੰਦੇਹ ਨੂੰ ਸਪਸ਼ਟ ਕਰਨ ਦੀ ਬਜਾਇ ਉਸ ਦੇ ਵਿਚਾਰਾਂ ਦੀ ਹੀ ਪੁਸ਼ਟੀ ਕਰ ਰਹੇ ਹਨ, ਇਸ ਬਦਲੇ ਹਰਨੇਕ ਸਿੰਘ ਵੀ ਭਾਈ ਸਾਹਿਬ ਦੀ ਤਾਰੀਫ਼ ਕਰ ਰਿਹਾ ਹੈ।  ਕੀ ਉਕਤ ਦਲੀਲ ਨਾਲ ਇਹ ਸਵਾਲ ਜਾਂ ਸੰਦੇਹ ਖ਼ਤਮ ਹੋ ਗਏ, ਜਿਨਾਂ ਬਾਰੇ ਭਾਈ ਸਾਹਿਬ ਗੁਰਸਿੱਖਾਂ ਅੰਦਰ ਹਮੇਸਾਂ ਲਈ ਦੁਬਿਧਾ ਖ਼ਤਮ ਕਰਨ ਦੀ ਗੱਲ ਕਰ ਰਹੇ ਹਨ :

(1). ਗੁਰੂ ਹਰਿਰਾਇ ਜੀ ਨੇ ਬਾਬਾ ਰਾਮਰਾਇ ਜੀ ਨੂੰ ਬਾਦਸ਼ਾਹ ਪਾਸ ਭੇਜ ਕੇ ਗਲਤੀ ਕੀਤੀ ਭਾਵ ਗੁਰੂ ਸਾਹਿਬਾਂ ਵੀ ਗਲਤ ਫ਼ੈਸਲੇ ਲੈਂਦੇ ਰਹੇ ਹਨ ?

(2). ਭਾਈ ਸਾਹਿਬ ਗੁਰੂ ਜੀ ਦਾ ਕਿਹਡ਼ਾ ਫ਼ੈਸਲਾ ਗੁਰਸਿੱਖਾਂ ਨੂੰ ਵਿਖਾਉਣਾ ਚਾਹੁੰਦੇ ਹਨ ?  ਬਾਬਾ ਰਾਮਰਾਇ ਜੀ ਨੂੰ ਮੁੜ ਮੱਥੇ ਨਾ ਲਾਉਣਾ ਜਾਂ ਬਾਦਸ਼ਾਹ ਪਾਸ ਬਾਬਾ ਰਾਮਰਾਇ ਜੀ ਦਾ ਡੋਲਣਾ ?

(3). ਕੀ ਬਾਦਸ਼ਾਹ ਦੇ ਮਨ ਵਿਚ ਸਿੱਖਾਂ ਪ੍ਰਤੀ ਸ਼ੱਕ ਪੈਦਾ ਹੋਇਆ ਸੀ ਜਾਂ ਗੁਰੂ ਸਿਧਾਂਤ ਪ੍ਰਤੀ ?

(4) ਹਰਨੇਕ ਸਿੰਘ ਦੁਆਰਾ ਪੈਦਾ ਕੀਤੇ ਗਏ ਸੰਦੇਹ ਨੂੰ ਭਾਈ ਸਾਹਿਬ ਪੂਰਨ ਸਪਸ਼ਟ ਕਿਉਂ ਨਹੀਂ ਕਰ ਰਹੇ ?  ਭਾਵ ਹਰਨੇਕ ਸਿੰਘ ਨੇ ਗੁਰੂ ਹਰਿਕਿ੍ਰਸ਼ਨ ਸਾਹਿਬ ਜੀ ਨੂੰ ਦਿੱਤੀ ਗਈ ਗੁਰਗੱਦੀ ਦੀ ਜ਼ਿੰਮੇਵਾਰੀ ਪ੍ਰਤੀ ਵੀ ਉਠਾਏ ਗਏ ਸਵਾਲਾਂ ਬਾਰੇ ਭਾਈ ਸਾਹਿਬ ਕਿਉਂ ਖ਼ਾਮੋਸ਼ ਹਨ ?

(5). ਕੀ ਭਾਈ ਰਣਜੀਤ ਸਿੰਘ ਅਜਿਹੇ ਅਧੂਰੇਪਣ ਨੂੰ ਬਿਆਨ ਕਰ ਕੇ ਆਪਣੀ ਹਰਨੇਕ ਸਿੰਘ ਨਾਲ ਨਜਦੀਕੀ ਸਬੰਧਾਂ ਨੂੰ ਛੁਪਾਉਣਾ ਚਾਹੁੰਦੇ ਹਨ ਕਿਉਂਕਿ ਇਸ ਵੀਡੀਓ ਨੂੰ ਹਰਨੇਕ ਸਿੰਘ ਨੇ ਆਪਣੇ ਹੱਕ ਵਿਚ ਭੁਗਤਾਇਆ ਹੈ, ਜਿਸ ਨੇ ਆਪਣੇ ਫੇਸ ਬੁੱਕ ਪੇਜ ਤੇ ਜੋ ਲਿਖਾ ਹੈ ਉਹ ਮਿਸਾਲ ਹੇਠਾਂ ਦਿੱਤੀ ਗਈ ਹੈ।

(6). ਭਾਈ ਸਾਹਿਬ ਜੀ ਦੇ ਵਿਚਾਰ ਸੁਣ ਕੇ ਜਾਪਦਾ ਹੈ ਕਿ ਇਨਾਂ ਦੁਆਰਾ ਟਕਸਾਲੀ ਤੇ ਅਕਾਲੀ ਰਾਜਨੀਤੀ ਵਿਰੁਧ ਬੋਲਣਾ ਇੱਕ ਰਾਜਨੀਤਿਕ ਸਟੰਟ ਹੈ, ਨਹੀਂ ਤਾਂ ਗੁਰੂ ਸ਼ਖ਼ਸੀਅਤ ਬਾਰੇ ਕੀਤੀ ਗਈ ਹਰਨੇਕ ਸਿੰਘ ਦੁਆਰਾ ਭੱਦੀ ਟਿਪਣੀ ਨੂੰ ਇੰਨਾ ਹਲਕੇ ਵਿਚ ਨਾ ਲੈਂਦੇ।

(7). ਭਾਈ ਸਾਹਿਬ ਜੀ ਦੁਆਰਾ ਬੋਲੇ ਗਏ ਉਕਤ ਸ਼ਬਦਾਂ ਨੂੰ ਸੁਣਨ ਉਪਰੰਤ ਜਾਪਦਾ ਹੈ ਕਿ ਜਿਸ ਤਰਾਂ ਸਿੱਖ ਕੌਮ ਨੇ ਸਪੋਕਸਮੈਨ ਉੱਤੇ ਭਰੋਸਾ ਕਰ ਕੇ ਗਲਤੀ ਖਾਂਧੀ ਸੀ ਵੈਸੇ ਹੀ ਭਾਈ ਰਣਜੀਤ ਸਿੰਘ ਉੱਪਰ ਕੀਤਾ ਜਾ ਰਿਹਾ ਭਰੋਸਾ ਕੋਈ ਸ਼ੁੱਭ ਸੰਕੇਤ ਨਹੀਂ ਜਾਪਦਾ ਹੈ।

ਇਹ ਵਿਸ਼ਾ ਸਪਸ਼ਟ ਕਰਨਾ ਜਿੰਨਾ ਮਹੱਤਵ ਪੂਰਨ ਹੈ, ਉਤਨਾ ਹੀ ਇਸ ਨੂੰ ਬਾਬਾ ਰਾਮਰਾਇ ਜੀ ਦੁਆਰਾ ਬਾਦਸ਼ਾਹ ਸਾਹਮਣੇ ਗੁਰਬਾਣੀ ਦੀ ਤੁਕ ਬਦਲਣਾ ਤੇ ਗੁਰੂ ਜੀ ਦੁਆਰਾ ਉਨਾਂ ਨੂੰ ਗੁਰੂ ਘਰੋਂ ਬੇਦਖ਼ਲ ਕਰਨਾ, ਕਹਿ ਕੇ ਅਣਗੌਲਿਆ ਕੀਤਾ ਜਾ ਰਿਹਾ ਹੈ, ਜੋ ਕਿ ਨਿਦਣਯੋਗ ਹੈ ਕਿਉਂਕਿ ਵਾਰ-ਵਾਰ ਕਹੇ ਜਾਂਦੇ ਇਹੀ ਸ਼ਬਦ ਗੁਰੂ ਸਾਹਿਬਾਂ ਦੁਆਰਾ ਆਪਣੇ ਜੀਵਨ ਕਾਲ ਵਿਚ ਲਏ ਗਏ ਫ਼ੈਸਲੇ ਗੁਰਮਤਿ ਅਨੁਸਾਰੀ ਸਨ ਜਾਂ ਨਹੀਂ, ਵਿਸ਼ੇ ਨੂੰ ਸਪਸ਼ਟ ਨਹੀਂ ਹੋਣ ਦਿੰਦੇ। ਇਸ ਲਈ ਚੰਗਾ ਹੋਵੇ ਕਿ ਬਾਬਾ ਰਾਮਰਾਇ ਜੀ ਦੀ ਘਟਨਾ ਤੋਂ ਬਾਹਰ ਨਿਕਲ ਕੇ ਵਿਚਾਰਿਆ ਜਾਏ ਕਿ ਗੁਰੂ ਫ਼ੈਸਲੇ ਅਭੁੱਲ ਸਨ ਜਾਂ ਆਮ ਬੰਦੇ ਵਾਙ ਕੁਝ ਗ਼ਲਤੀਆਂ ਵੀ ਹੋਈਆਂ ਸਨ।

ਮੇਰੇ ਇਸ ਵਿਸ਼ੇ ਬਾਰੇ ਵਿਚਰ ਇਸ ਲਿੰਕ ਉਤੇ ਵੇਖੇ ਜਾ ਸਕਦੇ ਹਨ :

http://gurparsad.com/ki-sikh-guru-sahiban-ne-kujh-ajehe-faisle-bhi-lay-jo-ke-afsosnak-sn/

ਕੀ ਸਿੱਖ ਗੁਰੂ ਸਾਹਿਬਾਂ ਨੇ ਕੁਝ ਅਜਿਹੇ ਫ਼ੈਸਲੇ ਵੀ ਲਏ ਜੋ ਕਿ ਅਫ਼ਸੋਸਨਾਕ ਸਨ ?

ਗਿਆਨੀ ਅਵਤਾਰ ਸਿੰਘ

ਇਹ ਹੈ ਹਰਨੇਕ ਸਿੰਘ ਦੀ ਸੋਚ, ਜਿਸ ਬਾਰੇ ਭਾਈ ਰਣਜੀਤ ਸਿੰਘ ਨੂੰ ਉਕਤ ਦੋ ਸ਼ਬਦ ਬੋਲਣ ਲਈ ਮਜਬੂਰ ਹੋਣਾ ਪਿਆ :