(ਕਾਵਿ-ਵਿਅੰਗ)
ਪੇਪਰ
ਹੀਰ ਆਖਦੀ ਰਾਂਝਿਆ ਸੁਣ ਮੇਰੀ, ਪੇਪਰ ਅੰਗਰੇਜ਼ੀ ਦਾ ਹੋਇਆ ਖ਼ਰਾਬ ਮੀਆਂ।
ਬਾਕੀ ਦਿਆਂ ਤੋਂ ਵੀ ਨਹੀਂ ਹੈ ਆਸ ਕੋਈ, ਦੇਖ ਲਿਆ ਲਗਾ ਕੇ ਹਿਸਾਬ ਮੀਆਂ।
ਐਮ. ਬੀ. ਡੀ. ’ਚ ਦੇਖਦੀ ਰਹੀ ਫ਼ਿਲਮਾਂ, ਦੇਖੀ ਖੋਲ੍ਹ ਕੇ ਨਹੀਂ ਕਦੇ ਕਿਤਾਬ ਮੀਆਂ।
ਵੱਲ ਖੇੜਿਆਂ ਦੇਣਗੇ ਤੋਰ ‘ਚੋਹਲਾ’, ਹੋਈ ਐਂਤਕੀ ਵੀ ਜੇ ਨਾ ਕਾਮਯਾਬ ਮੀਆਂ।
—–੦—–
(ਕਾਵਿ-ਵਿਅੰਗ)
ਘਬਰਾਹਟ
ਜਿਹੜਾ ਪੜ੍ਹਾਈ ਤੋਂ ਰਿਹਾ ਬੇਮੁੱਖ ਹੋ ਕੇ, ਵਿਚ ਪੇਪਰਾਂ ਹੋਣੀ ਘਬਰਾਹਟ ਉਸ ਨੂੰ।
ਪਾਈ ਨਾਲ ਕਿਤਾਬਾਂ ਨਾ ਸਾਂਝ ਜਿਸ ਨੇ, ਬਣੀ ਰਹੇਗੀ ਗਿਆਨ ਦੀ ਘਾਟ ਉਸ ਨੂੰ।
ਪੁੱਟਦਾ ਰਿਹਾ ਪਿਛਾਂਹ ਨੂੰ ਕਦਮ ਜਿਹੜਾ, ਔਖੀ ਹੋਵੇਗੀ ਮੁਕਾਵਣੀ ਵਾਟ ਉਸ ਨੂੰ।
ਇੱਧਰ ਉੱਧਰ ਨੂੰ ਝਾਕਦਾ ਫਿਰੇ ‘ਚੋਹਲਾ’, ਬੁਝੀ ਲੱਗਦੀ ਅਕਲ ਦੀ ਲਾਟ ਉਸ ਨੂੰ।
——੦——
-ਰਮੇਸ਼ ਬੱਗਾ ਚੋਹਲਾ (ਲੁਧਿਆਣਾ)-94631-32719
