ਨਵੀਆਂ ਖੋਜਾਂ ਮਜ਼ੇਦਾਰ ਸੱਚ-2016 (ਭਾਗ-1)

0
264

ਨਵੀਆਂ ਖੋਜਾਂ ਮਜ਼ੇਦਾਰ ਸੱਚ-2016 (ਭਾਗ-1)

 Dr. Harshinder Kaur, MD (Patiala)-0175-2216783

  1. ਕਿੰਗਜ਼ ਮੈਡੀਕਲ ਕਾਲਜ ਲੰਡਨ ਵਿਖੇ ਹੋਈ ਖੋਜ ਦੇ ਨਤੀਜੇ ਹਨ :- ਜਿਸ ਘਰ ਵਿਚ ਪਾਣੀ ਖਾਰਾ ਆਉਂਦਾ ਹੋਵੇ, ਉੱਥੇ ਬੱਚਿਆ ’ਚ ਐਗਜ਼ੀਮਾ ਦੇ ਲੱਛਣ ਛੋਟੀ ਉਮਰੇ ਹੀ ਦਿਸਣ ਲੱਗ ਪੈਂਦੇ ਹਨ ਤੇ ਅੱਗੋਂ ਵੱਡੇ ਹੋ ਕੇ ਵੀ ਐਗਜ਼ੀਮਾ ਹੋਣ ਦੇ ਆਸਾਰ ਵੀ ਵੱਧ ਹੁੰਦੇ ਹਨ।
  2. ਡਾਊਨ ਸਿੰਡਰੋਮ ਵਾਲੇ ਬੱਚਿਆਂ ਦੇ ਦਿਮਾਗ਼ ਦੇ ਕੰਮਕਾਰ ਵਿਚ ਸੁਧਾਰ ਲਿਆਉਣ ਦੀ ਕੋਸ਼ਿਸ਼ ਵਿਚ ਲੱਗੇ ਖੋਜੀਆਂ ਨੇ ਲੱਭਿਆ ਹੈ ਕਿ ਹਰੀ ਚਾਹ ਵਿਚਲੇ ਐਪੀਗੈਲੋਕੈਟੇਚਿਨ ਗੈਲੇਟ ਦੇਣ ਨਾਲ ਬੱਚਿਆਂ ਦੀ ਸੋਝੀ ਵਿਚ ਕੁੱਝ ਫ਼ਰਕ ਦਿਸਣ ਲੱਗ ਜਾਂਦਾ ਹੈ।
  3. ਕੈਂਸਰ ਪ੍ਰੀਵੈਨਸ਼ਨ ਰੀਸਰਚ ਨੇ ਸਪਸ਼ਟ ਕਰ ਦਿੱਤਾ ਹੈ ਕਿ ਜੇ ਅੰਤੜੀਆਂ ਦੇ ਰੋਗਾਂ ਤੋਂ ਬਚਣਾ ਹੈ ਤਾਂ ਅਖਰੋਟ ਜ਼ਰੂਰ ਖਾਓ। ਅਖਰੋਟ ਅੰਤੜੀਆਂ ਦੇ ਬੈਕਟੀਰੀਆ ਕੀਟਾਣੂ ਘਟਾ ਕੇ ਕੈਂਸਰ ਤਕ ਹੋਣ ਦਾ ਖ਼ਤਰਾ ਘਟਾ ਦਿੰਦੇ ਹੈ।
  4. ਮੈਡੀਕਲ ਨਿਊਜ਼ ਟੁਡੇ ਵਿਚ ਇੱਥੋਂ ਤੱਕ ਸਾਬਤ ਕੀਤਾ ਗਿਆ ਹੈ ਕਿ ਰਾਤ ਦੇ ਸਮੇਂ ਘੱਟ ਲਾਈਟ ਵਿਚ ਰੋਟੀ ਖਾਣ ਨਾਲ ਖਾਣਾ ਘੱਟ ਖਾਧਾ ਜਾਂਦਾ ਹੈ ਤੇ ਹੌਲੀ ਖਾਧਾ ਜਾਂਦਾ ਹੈ, ਜਿਸ ਨਾਲ ਸਿਹਤਮੰਦ ਰਿਹਾ ਜਾ ਸਕਦਾ ਹੈ। ਇਸੇ ਲਈ ਰਾਤ ਦੇ ਖਾਣੇ ਸਮੇਂ ਘੱਟ ਰੌਸ਼ਨੀ ਹੀ ਠੀਕ ਰਹਿੰਦੀ ਹੈ।
  5. ਪੋਰਸ਼ਨ ਖਾਣਾ ਯਾਨੀ ਦੁਪਹਿਰ ਵੇਲੇ ਘਰੋਂ ਬਣਾ ਕੇ ਲਿਆਂਦੇ ਗਏ ਡੱਬਾ ਬੰਦ ਖਾਣੇ ਨੂੰ ਖਾਣ ਨਾਲ ਭਾਰ ਵਧਣ ਉੱਤੇ ਵਧੀਆ ਤਰੀਕੇ ਰੋਕ ਲਾਈ ਜਾ ਸਕਦੀ ਹੈ।
  6. ਜੇ ਜੱਚਾ ਜ਼ਿਆਦਾ ਫਲ਼ ਖਾਂਦੀ ਰਹੇ ਤਾਂ ਇਹ ਸਾਬਤ ਹੋ ਗਿਆ ਹੈ ਕਿ ਜੰਮਣ ਵਾਲਾ ਬੱਚਾ ਜ਼ਿਆਦਾ ਤੇਜ਼ ਦਿਮਾਗ਼ ਵਾਲਾ ਬਣ ਜਾਂਦਾ ਹੈ।
  7. ਯੌਰਕ ਯੂਨੀਵਰਸਿਟੀ ਦੇ ਖੋਜੀਆਂ ਨੇ ਸਪਸ਼ਟ ਕਰ ਦਿੱਤਾ ਹੈ ਕਿ ਖੰਡ ਨਾ ਖਾਣੀ ਸਿਹਤ ਲਈ ਬਿਹਤਰ ਹੈ। ਜਿਹੜੇ ਖੰਡ ਦੀ ਥਾਂ ਸਵੀਟਨਰ ਵਰਤ ਰਹੇ ਹਨ, ਉਨ੍ਹਾਂ ਦੀ ਸਿਹਤ ਉੱਤੇ ਵੀ ਹਰ ਹਾਲ ਛੇਤੀ ਜਾਂ ਲੇਟ, ਮਾੜਾ ਅਸਰ ਜ਼ਰੂਰ ਪੈ ਜਾਂਦਾ ਹੈ।
  8. ਜਰਨਲ ਆਫ ਡੇਅਰੀ ਸਾਇੰਸ ਵਿਚ ਖੋਜ ਛਪੀ ਹੈ ਕਿ ਜੇ ਦੁੱਧ ਦੀ ਥਾਂ ਦਹੀਂ ਵਰਤਿਆ ਜਾਵੇ ਤਾਂ ਲੈਕਟਿਨ ਏਸਿਡ ਬੈਕਟੀਰੀਆ ਬਲੱਡ ਪ੍ਰੈੱਸ਼ਰ ਘਟਾਉਣ ਜਾਂ ਕਾਬੂ ਰੱਖਣ ਵਿਚ ਸਹਾਈ ਹੁੰਦੇ ਹਨ।
  9. ਬੱਚੇ ਦੀ ਛੋਟੀ ਉਮਰ ਵਿਚ ਜੇ ਮਾਪੇ ਵਾਰ-ਵਾਰ ਘਰ ਤਬਦੀਲ ਕਰਦੇ ਰਹਿਣ ਤਾਂ ਇਸ ਦਾ ਬੱਚੇ ਦੇ ਮਨ ਉੱਤੇ ਡੂੰਘਾ ਅਸਰ ਪਿਆ ਵੇਖਿਆ ਗਿਆ ਹੈ। ਉਹ ਢਹਿੰਦੀ ਕਲਾ ਵਿਚ ਜਾ ਸਕਦਾ ਹੈ। ਬੱਚਾ ਟਿਕ ਕੇ ਨਾ ਬਹਿਣ ਦੀ ਬੀਮਾਰੀ ਸਹੇੜ ਸਕਦਾ ਹੈ ਜਾਂ ਵੱਡੇ ਹੋ ਕੇ ਖ਼ੁਦਕੁਸ਼ੀ ਤਕ ਕਰ ਸਕਦਾ ਹੈ।
  10. ਪੂਰੀ ਦੁਨੀਆ ਦੇ ਵੱਖੋ-ਵੱਖਰੇ ਹਿੱਸਿਆਂ ਵਿਚ ਬੱਚਿਆਂ ਉੱਤੇ ਹੋਈਆਂ ਖੋਜਾਂ ਤਹਿਤ ਇਹ ਤੱਥ ਸਾਹਮਣੇ ਆਏ ਕਿ 3 ਤੋਂ 6 ਸਾਲ ਦੇ ਬੱਚੇ ਘੱਟ ਸਬਜ਼ੀਆਂ ਖਾਣ ਲੱਗ ਪਏ ਹਨ ਤੇ ਏਸੇ ਲਈ ਬੀਮਾਰੀਆਂ ਦੇ ਵੱਧ ਸ਼ਿਕਾਰ ਹੋਣ ਲੱਗ ਪਏ ਹਨ।
  11. ਨਵਜੰਮੇ ਬੱਚੇ ਨੂੰ ਪੀਲੀਏ ਦੀ ਬੀਮਾਰੀ ਹੋਣ ਉੱਤੇ ਲਾਈਟਾਂ ਹੇਠਾਂ ਪਾਇਆ ਜਾਂਦਾ ਹੈ। ਹੁਣੇ ਜਿਹੀ ਹੋਈ ਖੋਜ ਵਿਚ ਇਹ ਖੁਲਾਸਾ ਹੋਇਆ ਹੈ ਕਿ ਜੇ ਬੇਵਜ੍ਹਾ ਲਾਈਟਾਂ ਹੇਠ ਜ਼ਿਆਦਾ ਦੇਰ ਨਵਜੰਮਿਆ ਬੱਚਾ ਰੱਖਿਆ ਜਾਵੇ ਤਾਂ ਉਸ ਨੂੰ ਬਾਅਦ ਵਿਚ ਕੈਂਸਰ ਹੋਣ ਦੇ ਆਸਾਰ ਵੱਧ ਹੋ ਜਾਂਦੇ ਹਨ।
29380cookie-checkਨਵੀਆਂ ਖੋਜਾਂ ਮਜ਼ੇਦਾਰ ਸੱਚ-2016 (ਭਾਗ-1)