ਸ੍ਰੀ ਗੁਰੁ ਗ੍ਰੰਥ ਸਾਹਿਬ ਜੀ ਅਤੇ ਸਿੱਖ

ਸ੍ਰੀ ਗੁਰੁ ਗ੍ਰੰਥ ਸਾਹਿਬ ਜੀ ਅਤੇ ਸਿੱਖ

‘ਸ੍ਰੀ ਗੁਰੂ ਗਰੰਥ ਜੀ’ ਨੂੰ ਤਨੋ-ਮਨੋ ਪੂਜਦੇ ਹਾਂ, ਸਤਿਕਾਰ ਕਰਦੇ ਹਾਂ ਪੂਰਾ ਤਾਨ ਲਾ ਕੇ।

ਸੇਵਾ ਲੰਗਰ ਦੀ ਹੋਵੇ ਭਾਵੇਂ ਫਿਰ ਜੋੜਿਆਂ ਦੀ, ਅਸੀਂ ਕਰਦੇ ਹਾਂ ਜਿੰਦ ਤੇ ਜਾਨ ਲਾ ਕੇ।

ਸਿਰ ਢੱਕ ਕੇ ਜਾਈਏ ਸਦਾ ਹੀ ਗੁਰੂ ਦੁਆਰੇ, ਮੱਥਾ ਟੇਕਦੇ ਹਾਂ ਗੋਲਕ ਵਿਚ ਦਾਨ ਪਾ ਕੇ।

ਕਾਰ-ਸੇਵਾ ਚੱਲਦੀ ਹੋਵੇ ਕਿਸੇ ਗੁਰੂ ਦੁਆਰੇ, ਮਾਇਆ ਦਿੰਦੇ ਹਾਂ ਵਿਚ ਅਭਿਮਾਨ ਆ ਕੇ।

ਸਟੇਜ ਤੋਂ ਜਦੋਂ ਹੀ ਸਾਡਾ ਨਾਮ ਬੋਲਦਾ ਏ, ਫੁੱਲ ਜਾਂਦੇ ਹਾਂ ਥੋੜ੍ਹਾ ਜਿਹਾ ਸਨਮਾਨ ਪਾ ਕੇ।

ਗੁਰਦੁਆਰੇ ਬਣਾ ਲਏ ਕਈ ਮੰਜ਼ਿਲੇ, ਪ੍ਰਕਾਸ਼ ਕਰ ਲੀਤਾ ਗੁਰੂ ਦਾ ਨਵਾਂ ਸਰੂਪ ਲਿਆ ਕੇ।

ਰੁਮਾਲਾ ਚੁੱਕ ਕੇ ਖੁੱਦ ਕਦੇ ਵੀ ਪੜ੍ਹਿਆ ਨਾ, ‘ਗੁਰਬਾਣੀ’ ਸੁਣੀ ਨਾ ਕਦੇ ‘ਧਿਆਨ’ ਲਾ ਕੇ।

ਕਰਵਾਉਂਦੇ ਹਾਂ ਤਰ੍ਹਾਂ ਤਰ੍ਹਾਂ ਦੇ ਪਾਠ ਅਸੀਂ, ਕੰਮ ਸਾਡੇ ਸੰਵਾਰੇ ਸਤਿਗੁਰੂ ਜੀ ਆਪ ਆ ਕੇ।

ਰੀਤਾਂ ਨਿਭਾਉਣ ਲਈ ਗੁਰੂ ਜੀ ਨੇ, ਜਨਮ ਮਰਨ ਜਾਂ ਅਨੰਦ ਕਰਾਈਏ ਗ੍ਰੰਥ ਘਰ ਮੰਗਾ ਕੇ।

ਮੰਨਣ ਦੀ ਗੱਲ ਤਾਂ ਅਜੇ ਬੜੀ ਦੂਰ ਦੀ ਏ, ਵੀਚਾਰ ਕੀਤੀ ਨਾ ਸੰਗਤ ਵਿਚਕਾਰ ਆ ਕੇ।

ਗਿਆਨ ਦੇ ਸਾਗਰ ਗੁਰੂ ਜੀ ਹਨ, ਲੋਕਾਂ ਨੂੰ ਦੱਸਣਾ ਕੀ?  ਸਮਝੇ ਨਾ ਖੁਦ ਅਜੇ ਤੱਕ ਆ ਕੇ।

‘ਸੁਰਿੰਦਰ ਸਿੰਘਾ’ ਉਂਝ ਅਸੀਂ ਹਾਂ ਸਿੱਖ ਪੱਕੇ, ਸਿੱਖੀ ਨੇੜੇ ਨਾ ਦੇਖੀ ਜਦੋਂ ਪਰਖ ਪਾ ਕੇ।

ਪੂਜਣ ਦੀ ਥਾਂ ਜੇ ਗੁਰੂ ਦੀ ਮੰਨ ਲੈਂਦੇ, ਦੱਸ ਤੇਰੀ ਚਾਹ ਕੀ, ਪੁੱਛਦੇ ਖੁਦ ਭਗਵਾਨ ਆ ਕੇ।

ਸ਼. ਸੁਰਿੰਦਰ ਸਿੰਘ ‘ਖਾਲਸਾ’ ਮਿਉਦ ਕਲਾਂ ਫਤਿਹਾਬਾਦ ਫੋਨ=94662-66708, 97287-43287,

E -MAIL= sskhalsa223@yahoo.com sskhalsa1957@gmail.com