ਗੁਰੂ ਗ੍ਰੰਥ ਜੀ/ ਸਿੱਖ ਨੂੰ ਸੰਦੇਸ਼

      ਗੁਰੂ ਗ੍ਰੰਥ ਜੀ/ ਸਿੱਖ ਨੂੰ ਸੰਦੇਸ਼

ਸਿੱਖਾਂ ਦੇ ਗੁਰ ‘ਸ੍ਰੀ ਗੁਰੂ ਗ੍ਰੰਥ ਜੀ’ ਹਨ, ਫਿਰ ਕਿਉਂ ਦੌੜਦੈਂ ਸਿੱਖਾ ! ਤੂੰ ਐਵੇਂ ਐਰੇ ਗੈਰੇ ਦੇ ਵੱਲ।

ਕਦੇ ਕਿਸੇ ਡੇਰੇ ਤੇ ਕਦੇ ਕਿਸੇ ਸਮਾਧ ਤੇ, ਕਦੇ ਪੁੱਛਾਂ ਦੇਣ ਵਾਲਿਆਂ ਦੇ ਜਾ ਕੇ ਖਿਲਾਰਦੈਂ ਝੱਲ।

ਤੇਰੇ ਕਰਨੀ ’ਚੋਂ ਜੇ ਸਤਿਗੁਰਾਂ ਦਾ ਉਪਦੇਸ਼ ਦਿਸੇ, ਸਾਰਾ ਹੀ ਸੰਸਾਰ ਫਿਰ ਦੇਖੇਗਾ ਤੇਰੇ ਹੀ ਵੱਲ।

ਪਰ! ਤੂੰ ਤਾਂ ਖੁਦ ਹੀ ਹੋਇਐ ਡਾਵਾਂ ਡੋਲ ਫਿਰਦੈਂ, ਬੇੜੀ ਕਿਵੇਂ ਲੱਗੇ, ਫਿਰ ਤੇਰੀ ਕਿਨਾਰੇ ਦੇ ਵੱਲ।

ਸ਼ਰਧਾ ਤੇ ਵੀਚਾਰ ਦੇ ਨਾਲ ਪੜ੍ਹ ਗੁਰਬਾਣੀ, ਮਿਲੇਗਾ ਬਾਣੀ ਵਿਚੋਂ ਹੀ ਬਿਬੇਕ ਗਿਆਨ ਦਾ ਫਲ਼।

ਸਤ, ਸੰਤੋਖ ਤੇ ਸਹਿਜ ਤੇਰੇ ਪਾਸ ਆਉਣਗੇ, ਕਾਮ, ਕ੍ਰੋਧ, ਮੋਹ, ਲੋਭ, ਹੰਕਾਰ’ ਨੂੰ ਪੈ ਜਾਵੇਗੀ ਠੱਲ।

ਸਿੱਖੀ ਦਾ ਧੁਰਾ ਹਨ ‘ਸ੍ਰੀ ਗੁਰੂ ਗਰੰਥ ਜੀ’, ਇਨ੍ਹਾਂ ਦੁਆਲੇ ਹੀ ਘੁੰਮਦੀ ਏ ਸਿੱਖ ਤੇ ਸਿੱਖੀ ਦੀ ਗੱਲ।

ਬਾਣੀ ਅਤੇ ਬਾਣੇ ਦਾ ਧਾਰਨੀ ਬਣ ਕੇ ਰਹਿ, ਸੰਵਰ ਜਾਵੇਗਾ ਤੇਰਾ ਅੱਜ ਅਤੇ ਆਉਣ ਵਾਲਾ ਕੱਲ੍ਹ।

‘ਸ੍ਰੀ ਗੁਰੂ ਗ੍ਰੰਥ ਜੀ’ ਨੂੰ ਸਮਰਪਣ ਕਰ ਕੇ ਤਾਂ ਵੇਖ, ਏਥੋਂ ਹੀ ਮਿਲੇਗਾ ਤੇਰੀ ਹਰ ਉਲਝਣ ਦਾ ਹੱਲ।

ਸ਼. ਸੁਰਿੰਦਰ ਸਿੰਘ ‘ਖਾਲਸਾ’ ਮਿਉਦ ਕਲਾਂ ਫਤਿਹਾਬਾਦ ਫੋਨ= 94662-66708, 97287-43287

E -MAIL= sskhalsa223@yahoo.com sskhalsa1957@gmail.com