ਚਿੱਠੀ ਨੰ: 36 (ਹਰਦੇਵ ਸਿੰਘ, ਜੰਮੂ ਵੱਲੋਂ ਕਿਰਪਾਲ ਸਿੰਘ ਬਠਿੰਡਾ ਨੂੰ ਪੱਤਰ)

0
233

ਸਤਿਕਾਰਤ ਕਿਰਪਾਲ ਸਿੰਘ ਬਠਿੰਡਾ ਜੀਉ,

ਮੇਰੇ ਵਿਚਾਰ ਅਨੁਸਾਰ ਆਪ ਜੀ ਨੂੰ ਸਮਝ ਲੇਣਾ ਚਾਹੀਦਾ ਹੈ ਕਿ ਮਸਲੇ ਦੇ ਪੰਥਕ ਹਲ ਲਈ ਮੈਂ ਵੀ ਯਤਨ ਕੀਤੇ ਹੋਏ ਹਨ ਅਤੇ ਇਹ ਮੰਗ ਮੇਰੀ ਹੀ ਸੀ ਕਿ ਮਸਲੇ ਦੀ ਜਾਂਚ ਹੋਣੀ ਚਾਹੀਦੀ ਹੈ ਅਤੇ ਪੁਰੇਵਾਲ ਜੀ ਵੀ ਨੂੰ ਖ਼ੁਦ ਆਪਣੀਆਂ ਫਿਕਸ ਕੀਤੀ ਤਾਰੀਖਾਂ ਦੀ ਜਾਂਚ ਲਈ ਅੱਗੇ ਆਉਣਾ ਚਾਹੀਦਾ ਹੈ। ਇਹ ਸਭ ਕਿਦੋਂ ਹੋਵੇਗਾ ਇਸ ਦਾ ਤਾਂ ਪਤਾ ਨਹੀਂ ਪਰ ਆਪ ਜੀ ਤਾਂ ਗਲਬਾਤ ਲਈ ਰਾਜ਼ੀ ਹੋਵੇ !
ਆਪ ਜੀ ਕਰਨਲ ਨਿਸ਼ਾਨ ਜੀ ਨਾਲ ਗਲਬਾਤ ਕਰ ਸਕਦੇ ਹੋ ਤਾਂ ਇਸ ਵਿਸ਼ੇ ਬਾਰੇ ਆਪਣੇ ਨਾਲ ਗਲਬਾਤ ਲਈ ਆਪ ਜੀ ਮੈਨੂੰ ਮੌਕਾ ਕਿਉਂ ਨਹੀਂ ਦੇ ਰਹੇ ?
ਆਪ ਜੀ ਰਾਜ਼ੀ ਹੋਵੇ ਤਾਂ ਮੈਂ ਆਪ ਜੀ ਦੇ ਪਾਸ ਪੰਜਾਬ ਆ ਜਾਂਦਾ ਹਾਂ। ਮੈਂ ਪੁਰੇਵਾਲ ਜੀ ਵਲੋਂ ਮਿੱਥੇ ਗੁਰੂ ਗੋਬਿੰਦ ਸਿੰਘ ਜੀ ਦੇ ਪ੍ਰਕਾਸ਼ ਦਿਹਾੜੇ ਬਾਰੇ ਵੀ ਆਪ ਜੀ ਦੇ ਨਾਲ ਗਲਬਾਤ ਕਰਨਾ ਚਾਹੁੰਦਾ ਹਾਂ। ਸਰਬਜੀਤ ਜੀ ਤਾਂ ਵਿਦੇਸ਼ ਸਨ ਇਨਕਾਰੀ ਹੋ ਗਏ। ਆਪ ਜੀ ਕਿਉਂ ਕਤਰਾ ਰਹੇ ਹੋ ?
ਕਲੈਂਡਰ ਬਾਰੇ ਆਮ ਬੰਦੇ ਦੇ ਪੜਨ ਵਾਸਤੇ ਲੇਖ ਲਿਖਦੇ ਹੋ, ਭਾਸ਼ਣ ਆਮ ਬੰਦੇ ਨੂੰ ਦਿੱਤੇ ਜਾਂਦੇ ਹਨ ਪਰ ਜਿਸ ਵੇਲੇ, ਮੇਰੇ ਵਰਗਾ ਕੋਈ ਆਮ ਬੰਦਾ ਇਸ ਵਿਸ਼ੇ ਬਾਰੇ ਗਲਬਾਤ ਕਰਨਾ ਚਾਹੁੰਦਾ ਹੈ ਤਾਂ ਤੁਸੀ ਇਨਕਾਰੀ ਕਿਉਂ ਹੋ ਜਾਂਦੇ ਹੋ ?
ਕਿਰਪਾਲ ਸਿੰਘ ਜੀ ਤੁਸੀ ਚੰਗੀ ਤਰਾਂ ਜਾਣਦੇ ਹੋ ਕਿ ਮੈਂ ਫ਼ਿਜੂਲ ਦੀ ਵਿਚਾਰ ਕਰਨ ਵਾਲਿਆਂ ਵਿਚੋਂ ਨਹੀਂ ਅਤੇ ਇਹੀ ਆਪ ਜੀ ਦੀ ਵੱਡੀ ਸਮੱਸਿਆ ਹੈ। ਮੈਂ ਕਰਨਲ ਨਿਸ਼ਾਨ, ਉਦੋਕੇ ਜੀ ਸਮੇਤ ਕਈਂ ਸੱਜਣਾਂ ਨਾਲ ਗਲਬਾਤ ਕੀਤੀ ਹੈ ਅਤੇ ਸਭ ਤੋਂ ਕੁੱਝ ਨਾ ਕੁੱਝ ਸਿੱਖਿਆ ਹੈ। ਥੋੜਾ ਹੋਰ ਗਿਆਨ ਆਪ ਜੀ ਤੋਂ ਵੀ ਹਾਸਲ ਕਰ ਲਵਾਂਗਾ, ਨਾਲੇ ਸਰੋਤੇ ਵੀ ਜਾਣਕਾਰੀ ਹਾਸਲ ਕਰਨਗੇ। ਇਸ ਲਈ ਆਪ ਜੀ ਮਿਲ ਬੈਠ ਕੇ ਗਲਬਾਤ ਕਰਨ ਤੋਂ ਗ਼ੁਰੇਜ਼ ਨਾ ਕਰੋ ਅਤੇ ਬੇਨਤੀ ਹੈ ਇਹ ਦੱਸੇ ਕਿ ਦੱਸੋ ਕਿਸ ਦਿਨ ਗਲਬਾਤ ਲਈ ਬੈਠੀਏ?

ਹਰਦੇਵ ਸਿੰਘ, ਜੰਮੂ-੧੦.੦੮.੨੦੧੮

ਨੋਟ: ਇਸ ਪੱਤਰ ਦੇ ਪਾਠਕਾਂ ਨੂੰ ਵੀ ਬੇਨਤੀ ਹੈ ਕਿ ਉਹ ਕਿਰਪਾਲ ਸਿੰਘ ਜੀ ਨੂੰ ਮਿਲ ਬੈਠ ਕੇ ਗਲਬਾਤ ਕਰਨ ਲਈ ਰਾਜ਼ੀ ਕਰਵਾਉਣ !

ਸੰਪਾਦਕੀ ਨੋਟ : ਇਸ ਲੇਖ ਵਿਚ ਉਕਤ ਲਾਲ ਕੀਤੇ ਗਏ ਅਜੋਕੀ ਪੰਜਾਬੀ ਦੇ ਸ਼ਬਦ ਅਸ਼ੁੱਧ ਹਨ ਅਤੇ ਮਹੀਨਾ ਵੀ ਲੇਖਕ ਅਨੁਸਾਰ ਅੱਜ ਮਈ ਦੀ ਬਜਾਇ ਅਗਸਤ (10-08-2018) ਚੱਲ ਰਿਹਾ ਹੈ, ਮੈਨੂੰ ਅਜਿਹੀ ਸੋਚ ਉਤੇ ਤਰਸ ਆ ਰਿਹਾ ਹੈ ਕਿ ਜਿਨਾਂ ਨੇ ਪੰਜਾਬੀ ਸਿਖਣੀ ਸੀ ਉਹ ਵੀ ਮੰਚ ਮਹੱਈਆ ਕਰਵਾਉਣ ਲਈ ਬੇਨਤੀਆਂ ਕਰ ਰਹੇ ਹਨ।

ਗਿਆਨੀ ਅਵਤਾਰ ਸਿੰਘ