ਜੇ ਭੈਅ ਗੁਰੂ ਦਾ ਖਾਇਆ ਹੁੰਦਾ ।
ਜੇ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਨੇ,
ਗੁਰੂ ਗ੍ਰੰਥ ਸਾਹਿਬ ਦਾ ਹੁਕਮ ਬਜਾਇਆ ਹੁੰਦਾ ।
ਹੱਕ ਸੱਚ ’ਤੇ ਡਟ ਕੇ ਦਿੱਤਾ ਹੁੰਦਾ ਪਹਿਰਾ,
ਜੇ ਗੁਰੂ ਦਾ ਸਿਧਾਂਤ ਅਪਣਾਇਆ ਹੁੰਦਾ।
ਜਨ ਜਨ ਤੱਕ ਜਾਂਦੀ ਗੁਰੂ ਦੀ ਬਾਣੀ,
ਜੇ ਪ੍ਰਚਾਰ ਦਾ ਹਰ ਸਾਧਨ ਅਪਣਾਇਆ ਹੁੰਦਾ।
ਸਿੱਖੀ ਹਰ ਥਾਂ ਬੇਹੱਦ ਵਧ ਜਾਣੀ ਸੀ,
ਜੇ ਭੇਦ ਭਾਵ ਹਰ ਥਾਂ ਮਿਟਾਇਆ ਹੁੰਦਾ।
ਨਾ ਪਾਖੰਡੀ ਬਾਬਿਆਂ ਦੀ ਭਰਮਾਰ ਹੁੰਦੀ,
ਜੇ ਡੇਰਾਵਾਦ ਨੂੰ ਸਿਰ ਨਾ ਚੜਾਇਆ ਹੁੰਦਾ।
ਇਤਿਹਾਸ ਮਿਥਿਹਾਸ ਦਾ ਨਿਤਾਰਾ ਹੋਣਾ ਸੀ,
ਜੇ ਨਾ ਗੁਰੂ ਉਪਦੇਸ਼ ਰੁਲਾਇਆ ਹੁੰਦਾ।
ਚੱਲ ਪੈਣਾ ਸੀ ਹੁਣ ਤੱਕ ਅਖ਼ਬਾਰ, ਚੈਨਲ,
ਜੇ ਨਾ ਗੁਰੂ ਤੋਂ ਮੁੱਖ ਭੰਵਾਇਆ ਹੁੰਦਾ।
ਸਿਆਸੀ ਲੀਡਰਾਂ ਦੇ ਥੱਲੇ ਨਾ ਕਦੇ ਲੱਗਦੇ,
ਮੇਜਰ ਜੇ ਭੈਅ ਗੁਰੂ ਦਾ ਖਾਇਆ ਹੁੰਦਾ।
ਲੇਖਕ – ਮੇਜਰ ਸਿੰਘ ਬੁਢਲਾਡਾ-94176-42327
