ਨਸ਼ਾ ਮੁਕਤ ਪੰਜਾਬ

0
247

ਮਿੰਨੀ ਕਹਾਣੀ

ਨਸ਼ਾ ਮੁਕਤ ਪੰਜਾਬ

“ਬੇਬੇ ਜੀ,ਆਹ ਇਕ ਹੋਰ ਵੀਡਿਓ ਆ ਗਈ ਟੀਕੇ ਲਗਾਉਂਦੇ ਮੁੰਡਿਆਂ ਦੀ ਪਿੰਡ ਵਾਲਿਆਂ ਨੇ ਪੂਰਾ ਕੁਟਾਪਾ ਕੀਤਾ”
   ਦਾਦੀ ਨੂੰ ਮੈ ਸੋਸ਼ਲ ਮੀਡੀਆ ‘ਤੇ ਨਵੀਂ  ਵਾਈਰਲ ਹੋਈ ਵੀਡਿਓ ਵਿਖਾ ਰਿਹਾ ਸੀ। ਇਹ ਵੇਖ ਦਾਦੀ ਨੇ ਦੁੱਖੀ ਮਨ ਨਾਲ ਜਵਾਬ ਦਿੱਤਾ ।
   “ਹਾਏ  ! ਰੱਬਾ ਇਹਨਾਂ ਵੀਚਾਰਿਆਂ ਨੂੰ ਕਿਉਂ ਕੁੱਟਦੇ ਹੋ ਇਹ ਤਾਂ ਨਸ਼ੇ ਨੇ ਗੁਲਾਮ ‘ਤੇ ਬੇਵੱਸ ਕੀਤੇ ਹੋਏ ਨੇ ਉਹਨਾਂ ਨੂੰ ਕੁੱਟੋ ਜੋ ਚਿੱਟੇ ਨੂੰ ਵੱਡੀ ਪੱਧਰ ‘ਤੇ ਵੇਚ ਕੇ ਵੀ ਅਜ਼ਾਦ ਘੁੰਮਦੇ ਨੇ।”

ਬੇਬੇ ਇਹ ਗੱਲ ਕਹਿ ਕੇ ਐਨਕਾਂ ਉਪਰ ਪਈ ਧੂੜ ਲਾਹੁਣ ਲੱਗ ਪਈ ਤੇ ਮੇਰੀ ਸੋਚ ਦੀ ਉਹ ਧੂੜ ਵੀ ਲਹਿ ਗਈ ਜੋ ਕਹਿ ਰਹੀ ਸੀ ਕਿ ਹੁਣ ਐਦਾ ਹੋਊ ਨਸ਼ਾ ਮੁਕਤ ਪੰਜਾਬ ।

 ਜਸਵੰਤ ਸਿੰਘ ਲਖਣਪੁਰੀ 88724-88769