ਡਾ (?) ਹਰਜਿੰਦਰ ਸਿੰਘ ਦਿਲਗੀਰ ਉਰਫ਼ ਨਿਰਮਲ ਸਿੰਘ ਜੀ !

0
405

ਡਾ (?) ਹਰਜਿੰਦਰ ਸਿੰਘ ਦਿਲਗੀਰ ਉਰਫ਼ ਨਿਰਮਲ ਸਿੰਘ ਜੀ !

ਸਰਵਜੀਤ ਸਿੰਘ ਸੈਕਰਾਮੈਂਟੋ

ਤੁਹਾਨੂੰ ਯਾਦ ਹੋਵੇਗਾ ਕਿ 1 ਜਨਵਰੀ 2015 ਈ: ਅਕਾਲ ਤਖਤ ਸਾਹਿਬ ’ਤੇ ਹੋਏ, ਨਾਨਕਸ਼ਾਹੀ ਕੈਲੰਡਰ ਦੇ ਹਮਾਇਤੀਆਂ ਦੇ ਇਕੱਠ ਲਈ ਤੁਸਾਂ “ਬੂਝੜ ਅਤੇ ਸਟੂਪਿਡ” ਸ਼ਬਦ ਵਰਤਿਆ ਸੀ।

ਤੁਹਾਡੇ ਸ਼ਬਦ, “ਇਕ ‘ਜੂਠ ਕੈਲੰਡਰ’ ਨੂੰ ਗੁਰੂ ਨਾਨਕ ਸਾਹਿਬ ਦੇ ਨਾਂ ਨਾਲ ਜੋੜਦੇ ਹਨ, ਜੋ ਕਿ ਗੁਰੂ ਜੀ ਦੀ ਬੇਇਜ਼ਤੀ ਹੈ। ਗੁਰੂ ਦੀ ਬੇਇਜ਼ਤੀ  ਨੂੰ ਘਟੋ ਘਟ ਮੈਂ ਤਾਂ ਬਰਦਾਸ਼ਤ ਨਹੀਂ ਕਰ ਸਕਦਾ। ਹੈਰਾਨ ਹਾਂ ਕਿ ਕਿੰਨੇ ਬੂਝੜ, ‘ਸਟੂਪਿਡ’ ਹਨ ਉਹ ਲੋਕ ਜੋ ਇਸ ਦੇ ਬਾਵਜੂਦ ਇਸ ‘ਜੂਠੇ’ ਕੈਲੰਡਰ ਦੀ ਹਿਮਾਇਤ ਕਰਦੇ ਹਨ।

ਖ਼ੈਰ ਲੋਕ ਤਾਂ ਬਾਦਲ ਅਕਾਲੀ ਦਲ ਅਤੇ ਅਖੋਤੀ ਦਸਮ ਗ੍ਰੰਥ ਦੀ ਵੀ ਹਿਮਾਇਤ ਕਰਦੇ ਹਨ ਪਰ ਪੁਰੇਵਾਲ ਦੇ ਕੈਲੰਡਰ ਦੀ ਹਿਮਾਇਤ ਨਾ ਕਰਨ ਤੋਂ ਇਕ ਗੱਲ ਸਾਫ਼ ਹੈ ਕਿ ਇਸ ਕੌਮ ਦੇ ਕਈ ਆਗੂ (ਤੇ ਬਹੁਤ ਸਾਰੇ ਪੜ੍ਹੇ ਲਿਖੇ ਲੋਕ ਵੀ) ਬੂਝੜ ਹਨ, ਜਿਸ ਕਾਰਨ ਕੌਮ ਨੂੰ ਅਜੇ ਹੋਰ ਛਿੱਤਰ ਪੈਣਗੇ”।

7 ਜਨਵਰੀ 2015 ਈ: ਨੂੰ , ਮੈਂ ਤੂਹਾਨੂੰ ਪੱਤਰ ਲਿਖ ਕੇ ਚੁਣੌਤੀ ਦਿੱਤੀ ਸੀ। ਤੁਸੀਂ ਮੇਰੀ ਚੁਣੌਤੀ ਪ੍ਰਵਾਨ ਕਰਨ ਦੀ ਬਜਾਏ, ਹਮੇਸ਼ਾ ਦੀ ਦੜ ਵੱਟ ਜਾਂਦੇ ਹੋ ।

2010 ਈ: ਤੋਂ ਲਗਾਤਾਰ ਮੈਂ ਆਪ ਨੂੰ ਵਿਚਾਰ ਕਰਨ ਦਾ ਸੱਦਾ ਦੇ ਰਿਹਾ ਹਾਂ, ਨਾ ਤਾਂ ਤੁਸੀਂ ਵਿਚਾਰ ਲਈ ਅੱਗੇ ਆਏ ਹੋ, ਨਾ ਹੀ ਝੱਗ ਸੁੱਟਣੀ ਬੰਦ ਕੀਤੀ ਹੈ। ਤਿੰਨ-ਚਾਰ ਮਹੀਨਿਆਂ ਪਿਛੋਂ ਤੁਹਾਨੂੰ ਦੌਰਾ ਪੈਦਾ ਹੈ ਅਤੇ ਤੁਸੀਂ ਝੱਗ ਸੁੱਟਦੇ ਹੋ। ਜਦੋਂ ਹੱਥ ਔਲਾ ਹੋ ਜਾਂਦਾ ਹੈ ਤਾਂ ਤੁਹਾਡੇ 3-4 ਮਹੀਨੇ ਸੋਖੇ ਲੰਘ ਜਾਂਦੇ ਹਨ।  ਮੈਂ ਆਪਣੇ ਤਜਰਬੇ ਦੇ ਅਧਾਰ ’ਤੇ ਕਹਿ ਸਕਦਾ ਹਾਂ ਕਿ ਹੁਣ ਤੂਹਾਨੂੰ ਇਸ ਸਾਲ ਦੇ ਅਖੀਰ (ਨਵੰਬਰ, ਦਸੰਬਰ) ਵਿੱਚ ਫਿਰ ਦੌਰਾ ਪਵੇਗਾ।  ਚਲੋ, ਹੁਣ ਉਦੋਂ ਤਾਈਂ ਅਰਾਮ ਕਰੋ। ਜਦੋਂ ਫਿਰ ਦੌਰਾ ਪਿਆ , ਉਦੋਂ ਫਿਰ ਹੱਥ ਔਲਾ ਦੇ ਦੇਵਾਂਗੇ।