ਗੁਰੂ-ਘਰ ਇਕ, ਸਮਾਧਾਂ ਨੇ ਚਾਰ ਯਾਰੋ
ਜਿਹਨਾਂ ਜ਼ੁਲਮ ਦਾ ਸਾਡੇ ਤੇ ਅੰਤ ਕੀਤਾ,
ਕਬਰਾਂ ਉਹਨਾਂ ਦੀਆਂ ਰਹੇ ਉਸਾਰ ਯਾਰੋ।
ਕੋਈ ਪਾਸਾ ਨਾ ਪਿੰਡ ਦਾ ਰਿਹਾ ਖਾਲੀ,
ਗੁਰੂ-ਘਰ ਇਕ, ਸਮਾਧਾਂ ਨੇ ਚਾਰ ਯਾਰੋ।
ਵਿਹਲੇ, ਨਸ਼ਈ ਬਲੈਕੀਏ ਪੀਰ ਹੋ ਗਏ,
ਬਹਿ ਗਏ ਰੱਬ ਦਾ ਰੂਪ ਅੱਜ ਧਾਰ ਯਾਰੋ।
ਵੀਰਵਾਰ ਨੂੰ ਕਬਰ ’ਤੇ ਢੋਲ ਵੱਜਣ,
ਸਿੱਖ ਭੁੱਲ ਗਏ ਆਸਾ ਦੀ ਵਾਰ ਯਾਰੋ।
ਪਾ ਗਾਤਰੇ ਪੀਰਾਂ ਦੇ ਫਿਰਨ ਭਾਉਂਦੇ,
ਗੋਬਿੰਦ ਸਿੰਘ ਦੇ ਅੱਜ ਸਰਦਾਰ ਯਾਰੋ।
ਸਰਸਾ, ਬਿਆਸ, ਭਨਿਆਰਾ ਦੀ ਗੱਲ ਛੱਡੋ,
‘ਘੁੰਗਰਾਲੀ’ ਹੋ ਗਿਆ ਪੀਰਾਂ ਦਾ ਵਾਰ ਯਾਰੋ।
_ਮਾ: ਜਗਦੇਵ ਸਿੰਘ ‘ਘੁੰਗਰਾਲੀ’ ਮੋਬਾ: 99142-00917
