ਗੁਰੂ ਗ੍ਰੰਥ ਜੀ ਦੀ ਬੇ-ਅਦਬੀ…..

0
230

ਗੁਰੂ ਗ੍ਰੰਥ ਜੀ ਦੀ ਬੇ-ਅਦਬੀ…..

ਸ. ਸੁਰਿੰਦਰ ਸਿੰਘ ‘ਖਾਲਸਾ’ ਮਿਉਦ ਕਲਾਂ ਫਤਿਹਾਬਾਦ-094662-66708

‘ਗੁਰੂ ਗ੍ਰੰਥ ਜੀ’ ਦੇ ਪਾਵਨ ਸਰੂਪਾਂ ਦੀ, ਦੁਸ਼ਟ ਦੋਖੀ ਕਰੀ ਜਾਂਦੇ ਏ ਬੇ-ਅਦਬੀ।

ਬਖਸ਼ਿਆ ਨਹੀਂ ਜਾਵੇਗਾ ਇਕ ਵੀ ਦੋਸ਼ੀ, ‘ਸਿਖਾਂ’ ਦੀ ਹਿਸਟਰੀ ਇਹ ਦੱਸਦੀ।

ਇਹ ਕਾਰੇ ਸਰਕਾਰੀ ਏਜੈਂਸੀਆਂ ਦੇ ਨੇ, ਉਹ ਵਰਦੀ ਵਿਚ ਨੇ ਭਾਂਵੇਂ ਬੇ-ਵਰਦੀ।

ਤਾਂ ਹੀ ਤਾਂ ਧਰਨੇ ’ਤੇ ਬੈਠੇ ਸ਼ਾਂਤ ਸਿੱਖਾਂ ’ਤੇ, ਪੁਲੀਸ ਰੱਜ ਰੱਜ ਕੇ ਜ਼ੁਲਮ ਹੈ ਕਰਦੀ।

ਆਉਂਦੇ ਸਾਰ ਲਾਠੀਆਂ ਵਰ੍ਹਾ ਦਿੱਤੀਆਂ, ਨਾਲੇ ਗੋਲੀਆਂ ਦੀ ਬੁਛਾਰ ਕਰ ਦਿੱਤੀ।

ਦੋ ਸਿੰਘਾਂ ਨੂੰ ਸ਼ਹੀਦ ਥਾਂਏਂ ਕਰ ਦਿੱਤੈ, ਨਾਲੇ ਅਨੇਕਾਂ ਹੀ ਕਰ ਦਿੱਤੇ ਹਨ ਜਖਮੀ।

ਰੋਸ ਕਰਦਿਆਂ ਕਾਫੀ ਦਿਨ ਹੋ ਗਏ ਨੇ, ਹਾਲੇ ਕੋਈ ਨਹੀਂ ਪਹੁੰਚਿਆ ਦਰਦੀ।

ਬੇ-ਅਦਬੀ ਦੇ ਦੋਸ਼ੀ ਵੀ ਸਿੱਖ ਹੀ ਬਣਾ ਦਿੱਤੇ, ਸਰਕਾਰ ਨੇ ਕਮਾਲ ਹੀ ਕਰ ਤੀ।

ਆਪੇ ਕਾਤਲ ਆਪ ਹੀ ਜਜ ਬਣ ਬੈਠੇ, ਇੰਨਸਾਫ ਦੀ ਆਸ ਕੌਮ ਕਿੱਥੋਂ ਕਰਦੀ।

ਏਥੇ ਪੁਲਿਸ, ਪਾਲਤੂ ਐ ਲੀਡਰਾਂ ਦੀ, ਉਨ੍ਹਾਂ ਦੇ ਕਹੇ ’ਤੇ ਹੀ ਕਾਰਵਾਈ ਹੈ ਕਰਦੀ।

ਬਾਈਕਾਟ ਕਰੋ ਲੀਡਰਾਂ ਦੀ ਜਾਤ ਦਾ, ਸਾਡੀਆਂ ਲਾਸ਼ਾਂ ’ਤੇ ਜੋ ਰਾਜਨੀਤੀ ਕਰਦੀ।

ਦਿਖਾਦੋ ਹੱਥ ਕਰਾਰੇ ਇਨ੍ਹਾਂ ਪਾਜੀਆਂ ਨੂੰ, ਪਸੀਨੇ ਆਉਣ ਇਨ੍ਹਾਂ ਨੂੰ ਵਿਚ ਸਰਦੀ।

ਸਿੱਖੀ ਭੇਖ ਦੇਖ ਗੱਦਾਰਾਂ ਨੂੰ ਤਾਜ ਦਿੱਤਾ, ਉਸੇ ਦਾ ਫਲ ਹੀ ਸਿੱਖ ਕੌਮ ਭੁਗਤਦੀ।

ਵਿਵੇਕ ਦਾਨ ਕੌਮ ਹਮੇਸ਼ਾਂ ਮੰਗਦੀ ਐ, ਵੋਟਾਂ ਵੇਲੇ ਵਿਵੇਕ ਕਿਉਂ ਨਹੀਂ ਵਰਤਦੀ।

ਅੱਤ ਹੋ ਗਈ ਸਿੱਖ ਕੌਮੇ ਜਾਗ ਹੁਣ ਤਾਂ, ਆਲਸ ਫੜ੍ਹ ਲਈ ਤੂੰ ਜਮਾਨੇ ਭਰ ਦੀ।

ਸਾਡੀ ਗਫਲਤ ਨੇ ਆਹ ਦਿਨ ਦਿਖਾ ਦਿੱਤੇ, ਸ਼ੈਤਾਨ ਜੁੰਡਲੀ ਰਾਜ ਸਾਡੇ ’ਤੇ ਕਰਦੀ।

ਥੋੜ੍ਹਾ ਜਾਗੇ ਬੇਦੋਸ਼ੇ ਸਿੰਘ ਰਿਹਾਅ ਹੋ ਗਏ, ਲੋਕਾਂ ਦੇ ਰੋਹ ਤੋਂ ਹੀ ਸਰਕਾਰ ਡਰਦੀ।

ਗੁਰੂ ਗ੍ਰੰਥ ਜੀ ਦੇ ਦੋਸ਼ੀ ਫੜਣੇ ਬਾਕੀ ਨੇ, ਦੇਖੋ ਸੀ. ਬੀ. ਆਈ. ਕੀ ਕਾਰਵਾਈ ਕਰਦੀ।

ਜੋਸ਼ ਨੂੰ ਠੰਡਾ ਹੋਣ ਨਾ ਦਿਉ, ਪਰ ਹਰ ਸਿਆਣੀ ਕੌਮ ਹੋਸ਼ ਦਾ ਪੱਲਾ ਨਹੀਂ ਛੱਡਦੀ।

ਪੰਥ ਅੱਗੇ ‘ਸੁਰਿੰਦਰ’ ਇਕ ਅਰਜ ਗੁਜ਼ਾਰੇ, ਇਕੱਠ ਹੋ ਜਾਉ ਇਕ ਮੰਚ ’ਤੇ ਸਾਰੇ।

ਇਕੱਠੇ ਹੋ ਕੋਈ ਬਣਤ ਬਣਾਈਏ, ਪੰਥ ਦੋਖੀਆਂ ਨੂੰ ਬਾਹਰ ਦਾ ਰਾਹ ਦਿਖਾਈਏ।

27990cookie-checkਗੁਰੂ ਗ੍ਰੰਥ ਜੀ ਦੀ ਬੇ-ਅਦਬੀ…..