ਨਫ਼ਾ ਖੱਟਣਾ

0
266

(ਕਾਵਿ-ਵਿਅੰਗ)

ਨਫ਼ਾ ਖੱਟਣਾ

ਚੰਗੀਆਂ ਲੱਗਦੀਆਂ ਸੁਣਨ-ਸੁਣਾਉਣ ਨੂੰ ਉਹ, ਗੱਲਾਂ ਹੁੰਦੀਆਂ ਜੋ ਪ੍ਰਚਾਰ ਦੇ ਵਿਚ।

ਉਸੇ ਵਕਤ ਹੈ ਉਨ੍ਹਾਂ ਦਾ ਮੁੱਲ ਪੈਂਦਾ, ਵਰਤੀਆਂ ਜਾਂਦੀਆਂ ਜਦੋਂ ਵਿਵਹਾਰ ਦੇ ਵਿਚ।

ਕਹਿੰਦਾ ਹੋਰ ਤੇ ਕਰੇ ਕੁੱਝ ਹੋਰ ਜਿਹੜਾ, ਬੰਦਾ ਹੁੰਦਾ ਨਹੀਂ ਉਹ ਇਤਬਾਰ ਦੇ ਵਿਚ।

‘ਚੋਹਲੇ’ ਵਾਲਿਆ ਛੱਡ ਚਲਾਕੀਆਂ ਨੂੰ, ਨਫ਼ਾ ਖੱਟਣਾ ਜੇ ਕਿਸੇ ਪਿਆਰ ਦੇ ਵਿਚ।

—-0—- –

ਰਮੇਸ਼ ਬੱਗਾ ਚੋਹਲਾ

(ਕਾਵਿ-ਵਿਅੰਗ)

ਕਾਲਜ

ਮੁੰਡਾ ਬਾਪੂ ਤੋਂ ਬੁਲਟ ਦੀ ਮੰਗ ਕਰਦਾ, ਵਿਚ ਕਾਲਜ ਦੇ ਜਦੋਂ ਹੈ ਪ੍ਰਵੇਸ਼ ਕਰਦਾ।

ਹੁੰਦੀ ਦਿਸਦੀ ਨਾ ਜਦੋਂ ਡਿਮਾਂਡ ਪੂਰੀ, ਘਰਵਾਲਿਆਂ ਨਾਲ ਉਹ ਕਲੇਸ਼ ਕਰਦਾ।

ਸਦਕੇ ਜਾਣ ਲਈ ਨੱਢੀ ਦੇ ਨਖ਼ਰਿਆਂ ਤੋਂ, ਆਪਣੇ ਆਪ ਨੂੰ ਸਦਾ ਹੈ ਪੇਸ਼ ਕਰਦਾ।

ਨੇੜੇ ਸੱਚ ਦੇ ਹੁੰਦੀ ਉਹ ਗੱਲ ‘ਚੋਹਲਾ’, ਵਿਚ ਵਿਅੰਗ ਦੇ ਜੋ ‘ਰਮੇਸ਼’ ਕਰਦਾ।

—–0—

-ਰਮੇਸ਼ ਬੱਗਾ ਚੋਹਲਾ, ਡਬਲ ਐਮ. ਏ., ਐਮ. ਐਡ, 1348/17/1 ਗਲੀ ਨੰ: 8 ਰਿਸ਼ੀ ਨਗਰ ਐਕਸਟੈਂਸ਼ਨ (ਲੁਧਿਆਣਾ) ਮੋਬ: 94631-32719