ਪੱਤਰ ਨੰਬਰ 14 (ਲੈ: ਕਰਨਲ ਸੁਰਜੀਤ ਸਿੰਘ ਨਿਸ਼ਾਨ ਜੀ ਵਲੋਂ ਸ. ਸਰਬਜੀਤ ਸਿੰਘ ਜੀ ਨੂੰ ਜਵਾਬ)

0
247

ਪੱਤਰ ਨੰਬਰ 14

ਸ: ਸਰਵਜੀਤ ਸਿੰਘ ਜੀਓ !

ਵਾਹਿਗੁਰੂ ਜੀ ਕਾ ਖਾਲਸਾ। ਵਾਹਿਗੁਰੂ ਜੀ ਕੀ ਫਤਿਹ।

1. ਮੈਂ ਸੁਆਲ ਨੰਬਰ 3 ਅਤੇ ਉਸ ਦੇ ਜੁਆਬ ਵਿਚ ਪਹਿਲਾਂ ਹੀ ਸਪਸ਼ਟ ਕਰ ਚੁੱਕਾ ਹਾਂ ਕਿ ਆਧਾਰ ਕੈਲੰਡਰ (Base Calendar) ਨੂੰ ਕੋਈ ਵੀ ਮੁਲਕ/ਧਰਮ/ਸੰਸਥਾ ਅਪਣਾ ਕੇ ਆਪਣੀ ਸੰਸਥਾ/ ਮੁਲਕ/ ਧਰਮ ਦਾ ਕੈਲੰਡਰ ਬਣਾ ਸਕਦਾ ਹੈ। ਇਸ ਵਿਚ ਕੋਈ ਸ਼ੱਕ ਨਹੀਂ ਕਿ ਕ੍ਰਿਸਚਿਆਨਿਟੀ ਨੇ ਆਪਣੇ ਕੈਲੰਡਰ ਦਾ ਆਧਾਰ ਗ੍ਰੀਗੋਰੀਅਨ ਕੈਲੰਡਰ ਨੂੰ ਬਣਾਇਆ ਹੈ ਪਰ ਇਸ ਦਾ ਮਤਲਬ ਇਹ ਨਹੀਂ ਕਿ ਗ੍ਰੀਗੋਰੀਅਨ ਕੈਲੰਡਰ ਕ੍ਰਿਸਚੀਅਨ ਕੈਲੰਡਰ ਹੈ, ਇਸੇ ਤਰ੍ਹਾਂ ਹਿੰਦੂਆਂ ਦਾ ਧਾਰਮਕ ਕੈਲੰਡਰ ਬਿਕਰਮੀ ਕੈਲੰਡਰ ਤੇ ਆਧਾਰਤ ਹੋਣ ਕਰ ਕੇ ਬਿਕ੍ਰਮੀ ਕੈਲੰਡਰ ਨੂੰ ਹਿੰਦੂ ਕੈਲੰਡਰ ਨਹੀਂ ਕਹਿ ਸਕਦੇ । ਬਿਕ੍ਰਮੀ ਕੈਲੰਡਰ ਅਤੇ ਬਿਕ੍ਰਮੀ ਹਿੰਦੂ ਕੈਲੰਡਰ ਦੋ ਅਲੱਗ ਅਲੱਗ ਕੈਲੰਡਰ ਹਨ। ਇਸ ਲਈ ਇਹ ਕੋਈ ਜ਼ਰੂਰੀ ਨਹੀਂ ਕਿ ਕੋਈ ਹੋਰ ਸੰਸਥਾ/ਧਰਮ/ਮੁਲਕ ਆਪਣੇ ਕੈਲੰਡਰਾਂ ਦਾ ਆਧਾਰ ਬਿਕ੍ਰਮੀ ਜਾਂ ਗ੍ਰੀਗੋਰੀਅਨ ਕੈਲੰਡਰ ਰੱਖਣ ਲਈ ਈਸਾਈ ਜਾਂ ਹਿੰਦੂ ਧਰਮ ਦੀਆਂ ਮਾਨਤਾਵਾਂ ਨੂੰ ਵੀ ਧਿਆਨ ਵਿਚ ਰੱਖੇ। ਸੋ ਤੁਹਾਡੀ ਇਹ ਦਲੀਲ ਕਿ ਜੇ ਕਰ ਨਾਨਕਸ਼ਾਹੀ ਕੈਲੰਡਰ ਦਾ ਆਧਾਰ ਬਿਕਰਮੀ ਕੈਲੰਡਰ ਨੂੰ ਰੱਖਣਾ ਹੈ ਤਾਂ ਉਸ ਵਿਚ ਗੁਰਮਤ ਲਾਗੂ ਨਹੀਂ ਕੀਤੀ ਜਾ ਸਕਦੀ, ਇਹ ਗੁਮਰਾਹ ਕੁਨ ਪਰਚਾਰ ਹੈ। ਇਕ ਵਾਰ ਫਿਰ ਸੁਆਲ ਨੰਬਰ 3 ਪੜ੍ਹਣ ਦੀ ਖੇਚਲ ਕਰੋ।

2. ਤੁਹਾਡੇ ਤਾਜ਼ੇ ਸੁਆਲ ਦਾ ਜੁਆਬ ਮੈਂ ਪਹਿਲਾਂ ਹੀ ਸੁਆਲ ਨੰਬਰ 2 ਵਿਚ ਦੇ ਚੁਕਾ ਹਾਂ ਪੜ੍ਹਣ ਅਤੇ ਸਮਝਣ ਦੀ ਖੇਚਲ ਕਰੋ।

3. ਤੁਹਾਡੇ ਸੁਆਲਾਂ ਦੇ ਜੁਆਬ ਮੈਂ ਆਪਣੀ ਫੁਰਸਤ ਮੁਤਾਬਿਕ ਹੀ ਦੇ ਸਕਦਾ ਹਾਂ ਤੁਹਾਡੇ ਟਾਈਮ ਟੇਬਲ ਅਨੁਸਾਰ ਨਹੀਂ।

SURJIT SINGH NISHAN M.sc., MIS, MCA.