ਅੰਮ੍ਰਿਤਸਰ ਸ਼ਹਿਰ ਨਾਲ ਜੋੜਿਆ ਜਾਂਦਾ ਹਿੰਦੂ ਮਿਥ
ਗਿਆਨੀ ਅਵਤਾਰ ਸਿੰਘ
ਰਾਜਾ ਰਾਮਚੰਦਰ ਨੇ ਅਸ਼ਵਮੇਧ ਯੱਗ ਲਈ ਘੋੜਾ ਛੱਡਿਆ, ਜੋ ਵਾਲਮੀਕ ਆਸ਼ਰਮ ਵੱਲ ਚਲਾ ਗਿਆ। ਲਵ ਤੇ ਕੁਸ਼ ਨੇ ਉਹ ਫੜ ਲਿਆ, ਲੜਾਈ ਹੋਈ। ਕੁਸ਼ ਤੇ ਲਵ ਨੇ ਰਾਮਚੰਦਰ ਸਮੇਤ ਉਸ ਦੀ 4 ਕਰੋੜ 20 ਲੱਖ ਸੈਨਾ ਮਾਰ ਦਿੱਤੀ। ਪਤੀ ਦੀ ਮੌਤ ਉਪਰੰਤ ਸੀਤਾ ਨੂੰ ਚਿੰਤਤ ਵੇਖ ਵਾਲਮੀਕੀ ਨੇ ਉਨਾਂ ਉਤੇ ਅੰਮ੍ਰਿਤ ਛਿੜਕਿਆ ਤੇ ਰਾਮ ਸਮੇਤ ਸਭ ਫੌਜੀ ਜੀਵਤ ਹੋਏ। ਬਾਕੀ ਅੰਮ੍ਰਿਤ ਲਵ-ਕੁਸ਼ ਨੂੰ ਓਥੇ ਹੀ ਦੱਬਣ ਲਈ ਕਿਹਾ, ਜਿਸ ਨੂੰ ਪੀ ਕੇ ਬਾਅਦ ਵਿਚ ਰਜਨੀ-ਪਤੀ ਦੇ ਜਨਮਾਂ ਦਾ ਕੋੜ੍ਹ ਦੂਰ ਹੋਇਆ। ਗੁਰੂ ਰਾਮਦਾਸ ਜੀ ਨੂੰ ਇਸ ਅੰਮ੍ਰਿਤ ਸ਼ਕਤੀ ਬਾਰੇ ਪਤਾ ਸੀ ਉਨ੍ਹਾਂ ਇਸ ਸ਼ਹਿਰ ਦਾ ਨਾਮ ਅੰਮ੍ਰਿਤਸਰ ਰੱਖਿਆ ਪਰ ਸੱਚ ਇਹ ਹੈ ਕਿ ਸੰਨ 0001 ਈਸਵੀ ਨੂੰ ਵਿਸ਼ਵ ਜਨਸੰਖਿਆ ਕੁਲ 20 ਕਰੋੜ ਸੀ, ਰਾਮਚੰਦਰ ਇਸ ਤੋਂ ਵੀ 2500 ਸਾਲ ਪਹਿਲਾਂ ਪੈਦਾ ਹੋਏ 
ਦੱਸਿਆ ਗਿਆ। ਕੀ ਅੰਮ੍ਰਿਤਸਰ ‘ਚ ਤਦ 4.20 ਕਰੋੜ ਕੇਵਲ ਫੌਜ ਖੜ ਸਕੀ ਹੋਵੇਗੀ। ਧੰਨ ਹਨ ਉਹ ਸਿੱਖ ਪ੍ਰਚਾਰਕ ਜੋ ਰਜਨੀ ਦੇ ਪਿਤਾ ਤੋਂ ਉਸ ਦੀ ਸ਼ਾਦੀ ਇਕ ਕੋਹੜੀ ਨਾਲ ਕਰਵਾ ਕੇ ਦੁਖ ਭੰਜਨੀ ਬੇਰੀ ਦੀ ਮਹਾਨਤਾ ਪ੍ਰਗਟਾਂਦੇ ਹਨ ਤੇ ਆਖਦੇ ਵੀ ਹਨ ਅਸੀਂ ਹਿੰਦੂ ਨਹੀਂ।
