ਕਿਰਪਾਲ ਸਿੰਘ ਬਠਿੰਡਾ 88378-13661
ਪਿਛਲੇ ਦਿਨਾਂ ਵਿੱਚ ਆਪਣੇ ਆਪ ਨੂੰ ਮਹਾਂਪੁਰਖ ਜਾਂ ਮਹਾਂਮੁਰਖਾਂ ਦੇ ਬਹੁਤ ਜੀ ਨਜ਼ਦੀਕੀ ਕਹਾਉਣ ਵਾਲੇ ਦੋ ਵਿਅਕਤੀਆਂ ਦੇ ਗੁਰਮਤਿ ਵਿਰੋਧੀ ਅਤੇ ਭਾਵਨਾਤਮਿਕ ਤੌਰ ’ਤੇ ਪੰਥ ਵਿਰੋਧੀ ਸ਼ਬਦ ਸੁਣਨ ਨੂੰ ਮਿਲੇ; ਉਨ੍ਹਾਂ ਦੋਵਾਂ ਦੀ ਵੀਚਾਰ ਕਰਨੀ ਬਣਦੀ ਹੈ। ਉਨ੍ਹਾਂ ਵਿੱਚੋਂ ਪਹਿਲਾ ਹੈ ਗਿਆਨੀ ਠਾਕਰ ਸਿੰਘ। ਠਾਕਰ ਸਿੰਘ ਕਹਿੰਦਾ 1984 ’ਚ ਦਰਬਾਰ ਸਾਹਿਬ ’ਤੇ ਭਾਰਤੀ ਫੌਜਾਂ ਦੇ ਹਮਲੇ ਤੋਂ ਪਹਿਲਾਂ 6 ਮਹੀਨੇ ਲਗਾਤਾਰ ਸੰਤ ਜਰਨੈਲ ਸਿੰਘ ਦੀ ਛੇਵੇਂ ਤੇ ਦਸਵੇਂ ਪਾਤਸ਼ਾਹ ਨਾਲ ਅਕਾਲ ਤਖ਼ਤ ’ਤੇ ਮੀਟਿੰਗ ਹੁੰਦੀ ਰਹੀ ਅਤੇ ਦਸਵੇਂ ਪਾਤਸ਼ਾਹ ਨੇ ਹੀ ਜਰਨੈਲ ਸਿੰਘ ਨੂੰ ਸਾਲਾਹ ਦਿੱਤੀ ਸੀ ਕਿ ਜੇ ਅਕਾਲ ਤਖ਼ਤ ਢਹਿ ਗਿਆ ਤਾਂ ਟਕਸਾਲ ਦਾ ਇਤਨਾ ਪਰਚਾਰ ਹੋ ਜਾਣਾ ਹੈ ਜਿਨਾਂ ਟਕਸਾਲ ਸੌ ਸਾਲ ਦੇ ਪਰਚਾਰ ਨਾਲ ਵੀ ਨਹੀਂ ਕਰ ਸਕਦੀ। ਸੁਣੋ ਇਸ ਲਿੰਕ ਤੋਂ
ਗੁਰਮਤਿ ਦਾ ਦ੍ਰਿੜ ਵਿਸ਼ਵਾਸ਼ ਹੈ ਕਿ ‘ਗੁਰੂ’ ਸਰੀਰ ਨਹੀਂ ਬਲਕਿ ਜੋਤ ਰੂਪ ਹੈ: ‘ਜੋਤਿ ਰੂਪਿ ਹਰਿ ਆਪਿ ਗੁਰੂ ਨਾਨਕੁ ਕਹਾਯਉ ॥’ (ਭਟ ਮਥੁਰਾ/1408) ਜੋ ਬਾਣੀ ਪੜ੍ਹਨ ਅਤੇ ਸੇਵਾ ਸਿਮਰਨ ਕਰਨ ਵਾਲੇ ਗੁਰਸਿੱਖ ਦੇ ਹਮੇਸ਼ਾਂ ਅੰਗ ਸੰਗ ਰਹਿੰਦਾ ਹੈ : ‘ਗੁਰੁ ਮੇਰੈ ਸੰਗਿ ਸਦਾ ਹੈ ਨਾਲੇ ॥ ਸਿਮਰਿ ਸਿਮਰਿ ਤਿਸੁ ਸਦਾ ਸਮ੍ਹਾਲੇ ॥’ (ਮ: 5/394) ਇਸ ਲਈ ਗੁਰੂ ਸਾਹਿਬ ਜੀ ਵੱਲੋਂ ਕਦੀ ਰਾਤ ਬਰਾਤੇ ਆ ਕੇ ਕਿਸੇ ਗੁਰਸਿੱਖ ਕੋਲ ਬਿਸਤਰੇ ’ਤੇ ਬੈਠਣਾ ਅਤੇ ਸਲਾਹ ਮਸ਼ਵਰੇ ਕਰਨੇ ਕੇਵਲ ਮਨੋਕਲਪਿਤ ਮਨੌਤ ਅਤੇ ਗਪੌੜ ਸੰਖ ਤੋਂ ਵੱਧ ਕੁਝ ਵੀ ਨਹੀਂ ਹੈ। ਦੂਸਰੀ ਗੱਲ ਹੈ ਕਿ ਇਨ੍ਹਾਂ ਟਕਸਾਲੀਆਂ ਨੂੰ ਗੁਰਮਤਿ ਦੇ ਪਰਚਾਰ ਨਾਲੋਂ ਆਪਣੀ ਟਕਸਾਲ ਦੇ ਪਰਚਾਰ ਦੀ ਬਹੁਤ ਚਿੰਤਾ ਸਤਾਉਂਦੀ ਰਹਿੰਦੀ ਹੈ ਇਸੇ ਕਾਰਨ ਤਾਂ ਗਪੌੜੀ ਠਾਕਰ ਸਿੰਘ ਅਨੁਸਾਰ ਸੰਤ ਜਰਨੈਲ ਸਿੰਘ ਨੇ ਅਕਾਲ ਤਖ਼ਤ ਦੇ ਢਹਿ ਢੇਰੀ ਹੋਣ ਦੇਣ ਦੀ ਦਸਵੇਂ ਪਾਤਸ਼ਾਹ ਦੀ ਸਲਾਹ ਕੇਵਲ ਇਸੇ ਕਾਰਨ ਮੰਨ ਲਈ ਸੀ ਕਿਉਂਕਿ ਇਸ ਨਾਲ ਟਕਸਾਲ ਦਾ ਪਰਚਾਰ ਇਤਨਾ ਹੋ ਜਾਣਾ ਹੈ ਜਿਤਨਾ ਸੰਤ ਜਰਨੈਲ ਸਿੰਘ ਨੇ ਸੌ ਸਾਲ ਦੇ ਪਰਚਾਰ ਨਾਲ ਵੀ ਨਹੀਂ ਸੀ ਕਰ ਸਕਣਾ।
ਜੇ ਕਰ ਠਾਕਰ ਸਿੰਘ ਦੀ ਗੱਲ ਦਰੁਸਤ ਮੰਨ ਵੀ ਲਈ ਜਾਏ ਤਾਂ ਉਸ ਵੱਲੋਂ ਕੀਤੇ ਇੰਕਸ਼ਾਫ ਦੁਆਰਾ ਟਕਸਾਲ ਸਮੇਤ ਪੰਥ ਦੇ ਵੱਡੇ ਹਿੱਸੇ ਵੱਲੋਂ ਅਕਾਲ ਤਖ਼ਤ ’ਤੇ ਹਮਲੇ ਲਈ ਕਾਂਗਰਸ ਖਾਸ ਕਰਕੇ ਇੰਦਰਾ ਗਾਂਧੀ ਨੂੰ ਦੋਸ਼ੀ ਦੱਸੇ ਜਾਣ ਦੀ ਕੋਈ ਤੁਕ ਹੀ ਨਹੀਂ ਬਣਦੀ ਕਿਉਂਕਿ ਗਪੌੜੀ ਠਾਕਰ ਸਿੰਘ ਅਨੁਸਾਰ ਤਾਂ ਇਹ ਹਮਲਾ ਦਸਵੇਂ ਪਾਤਸ਼ਾਹ ਤੇ ਸੰਤ ਜਰਨੈਲ ਸਿੰਘ ਦੀ ਸਕੀਮ ਅਨੁਸਾਰ ਹੀ ਹੋਇਆ ਸੀ।
ਅਜੇਹੀ ਗੱਪ ਠਾਕਰ ਸਿੰਘ ਨੇ ਪਹਿਲੀ ਵਾਰ ਨਹੀਂ ਮਾਰੀ ਸਗੋਂ ਆਮ ਤੌਰ ’ਤੇ ਇਹ ਅਤੇ ਇਸ ਦੇ ਹੋਰ ਟਕਸਾਲੀ ਭਰਾ ਜਿਵੇਂ ਕਿ ਹਰੀ ਸਿੰਘ ਰੰਧਾਵਾ ਆਦਿਕ ਮਾਰਦੇ ਰਹਿੰਦੇ ਹਨ। ਇਹ ਕਦੀ ਕਹਿੰਦੇ ਹਨ ਕਿ ਉਨ੍ਹਾਂ ਨੂੰ 32-32 ਫੁੱਟ ਉਚੇ ਸਿੱਖ ਸ਼ਹੀਦ ਮਿਲੇ ਅਤੇ ਕਦੀ ਕਹਿੰਦੇ ਹਨ ਕਿ ਬਹੁਤ ਹੀ ਲੰਬੀ ਚੌੜੀ ਸੁਰੰਗ ਵਿੱਚ ਇਨ੍ਹਾਂ ਦੇ ਮਹਾਂਮਪੁਰਖ ਸੰਤ ਗਿਆਨੀ ਗੁਰਬਚਨ ਸਿੰਘ ਭਿੰਡਰਾਂਵਾਲੇ ਨੂੰ ਟਕਸਾਲ ਨਾਲ ਸਬੰਧਤ ਸ਼ਹੀਦ ਸਿੱਖ ਜੋਧੇ ਮਿਲੇ ਜਿਨ੍ਹਾਂ ਨੇ ਦੱਸਿਆ ਕਿ ਉਹ ਇੱਥੋਂ ਨਿਕਲ ਕੇ ਸਿੱਖਾਂ ਲਈ ਖਾਲਸਤਾਨ ਬਣਾ ਕੇ ਦੇਣਗੇ।
ਦੂਸਰਾ ਹੈ ਬਾਬਾ ਘਾਲਾ ਸਿੰਘ ਨਾਨਕਸਰੀਆ। ਇਹ ਕਹਿੰਦਾ ਭੁੱਚੋ ਵਾਲੇ ਚੌਕ ’ਤੇ ਬੇਅੰਤ ਸਿੰਘ ਖੜ੍ਹਾ ਸੀ ਜਿਸ ਨੇ ਸਾਹਮਣੇ ਤੋਂ ਆ ਰਹੇ ਸੰਤ ਨਰਾਇਣ ਸਿੰਘ ਨੂੰ ਨਮਸ਼ਕਾਰ ਕੀਤੀ ਅਤੇ ਆਪਣੇ ਲਈ ਮੁੱਖ ਮੰਤਰੀ ਦਾ ਅਹੁੱਦਾ ਪ੍ਰਾਪਤ ਕਰਨ ਲਈ ਅਸ਼ੀਰਵਾਦ ਮੰਗਿਆ। ਅੱਗੇ ਬੋਲਦੇ ਹਨ ਕਿ ਸੰਤਾਂ ਦੇ ਅਸ਼ੀਰਵਾਦ ਨਾਲ ਬੇਅੰਤ ਸਿੰਘ ਪੰਜਾਬ ਦਾ ਮੁੱਖ ਮੰਤਰੀ ਬਣਿਆ ਜਿਹੜਾ ਆਪ ਭਾਵੇਂ ਸ਼ਹੀਦ ਹੋ ਗਿਆ ਪਰ ਪੰਜਾਬ ਵਿੱਚ ਉਸ ਨੇ ਸ਼ਾਂਤੀ ਲਿਆ ਦਿੱਤੀ। (ਸੁਣੋ ਇਸ ਲਿੰਕ ਤੋਂ
ਜੇ ਕਰ ਘਾਲਾ ਸਿੰਘ ਦੇ ਉਕਤ ਕਥਨ ਅਨੁਸਾਰ ਬੇਅੰਤ ਸਿੰਘ ਨੂੰ ਸ਼ਹੀਦ ਮੰਨ ਲਿਆ ਜਾਵੇ ਤਾਂ ਕੌਮ ਵੱਲੋਂ ਮੰਨੇ ਜਾ ਰਹੇ ਸ਼ਹੀਦ ਦਿਲਾਵਰ ਸਿੰਘ ਨੂੰ ਉਹ ਕਿਹੜਾ ਸਥਾਨ ਦੇਣਾ ਚਾਹੁੰਦੇ ਹਨ ਸ਼ਹੀਦ ਦਾ ਜਾਂ ਕਾਤਲ ਅਤੇ ਦੇਸ਼ ਦੇ ਗਦਾਰ ਦਾ?
ਸਮੁੱਚਾ ਪੰਥ ਬੇਅੰਤ ਸਿੰਘ ਨੂੰ ਬੁੱਚੜ ਕਹਿ ਕੇ ਯਾਦ ਕਰਦਾ ਹੈ ਕਿਉਂਕਿ ਉਹ ਸੈਂਕੜੇ ਸਿੱਖ ਨੌ ਜਵਾਨਾਂ ਨੂੰ ਪੁਲਿਸ ਕੋਲੋਂ ਘਰੋਂ ਚੁੱਕਵਾ ਕੇ ਝੂਠੇ ਮੁਕਾਬਲਿਆਂ ਵਿੱਚ ਮਰਵਾਉਣ ਦਾ ਦੋਸ਼ੀ ਮੰਨਿਆ ਜਾ ਰਿਹਾ ਹੈ। ਬੁੱਚੜ ਬਅੰਤ ਸਿੰਘ ਨੂੰ ਮੁੱਖ ਮੰਤਰੀ ਬਣਨ ਦਾ ਅਸ਼ੀਰਵਾਦ ਦੇਣ ਵਾਲੇ ਉਸੇ ਨਾਨਕਸਰੀਏ ਮਹਾਂਪੁਰਖ ਦੇ ਚੇਲੇ ਹਨ ਜਿਸ ਅਨੁਸਾਰ ਮਹਾਂਪੁਰਖਾਂ ਦੇ ਡੇਰੇ ’ਤੇ ਰਹਿਣ ਵਾਲੀ ਕੁੱਤੀ ਨੇ ਸੰਤਾਂ ਦੀ ਕਿਰਪਾ ਕਾਰਨ ਇੰਗਲੈਂਡ ਵਿੱਚ ਜਨਮ ਲੈ ਕੇ ਉਥੋਂ ਦੀ ਰਾਣੀ ਅਲਿਜਾਬਿਥ ਬਣ ਕੇ ਰਾਜ ਕੀਤਾ। ਜਿਸ ਪੁਸਤਕ ਵਿੱਚ ਇਹ ਝੂਠੀ ਗੱਪ ਲਿਖੀ ਹੋਈ ਹੈ ਉਸ ਨੂੰ ਨਾਨਕਸਰੀਏ ਬਹੁਤ ਹੀ ਮਹਾਨਤਾ ਦਿੰਦੇ ਹਨ। ਉਸ ਪੁਸਤਕ ਨੂੰ ਪੜ੍ਹ ਕੇ ਵੇਖਿਆ ਜਾਵੇ ਤਾਂ ਅਨੇਕਾਂ ਐਸੀਆਂ ਗੱਪਾਂ ਪੜ੍ਹਨ ਨੂੰ ਮਿਲਣਗੀਆਂ ਜਿਨ੍ਹਾਂ ਨੂੰ ਪੜ੍ਹ ਕੇ ਬੰਦਾ ਹੈਰਾਨ ਰਹਿ ਜਾਂਦਾ ਹੈ।
ਮਹਾਂ ਪੁਰਖ ਅਖਵਾਉਣ ਵਾਲੇ ਉਕਤ ਦੋਵੇਂ ਵਿਅਕਤੀਆਂ ਵਿੱਚੋਂ ਪਹਿਲੇ ਨੇ ਵੀਡੀਓ ਬਣਾ ਕੇ ਮੁਆਫੀ ਮੰਗ ਲਈ ਹੈ ਅਤੇ ਦੂਸਰੇ ਨੇ ਅਕਾਲ ਤਖਤ ’ਤੇ ਪਹੁੰਚ ਕੇ ਆਪਣੇ ਕਹੇ ਹੋਏ ਸ਼ਬਦ ਵਾਪਸ ਲੈ ਲਏ ਹਨ। ਸੰਭਾਵਨਾ ਇਹੀ ਹੀ ਹੈ ਕਿ ਦੋਵਾਂ ਨੂੰ ਮੁਆਫੀ ਮੰਗੇ ਜਾਣ ਦਾ ਬਹਾਨਾ ਬਣਾ ਕੇ ਮੁਆਫ ਕਰ ਦਿੱਤਾ ਜਾਵੇਗਾ ਜਾਂ ਵੱਧ ਵੱਧ ਦੋ ਚਾਰ ਦਿਨ ਦੀ ਮਾਮੂਲੀ ਤਨਖਾਹ ਲਾ ਕੇ ਮੁਆਫ ਕਰ ਦਿੱਤਾ ਜਾਵੇਗਾ। ਅਸਲ ਵਿੱਚ ਅਕਾਲ ਤਖ਼ਤ ਦੇ ਜਥੇਦਾਰ ਵੱਲੋਂ ਧਾਰਨ ਕੀਤਾ ਐਸਾ ਵਤੀਰਾ ਹੀ ਹੈ ਜਿਹੜਾ ਐਸੇ ਮਹਾਂਪੁਰਖਾਂ ਨੂੰ ਗੁਰਮਤਿ ਵਿਰੋਧੀ ਅਤੇ ਪੰਥਕ ਜਜ਼ਬਾਤਾਂ ਦਾ ਘਾਣ ਕਰਨ ਵਾਲਾ ਮਨਮਤੀ ਪਰਚਾਰ ਕਰਨ ਦੀ ਹਲਾਸ਼ੇਰੀ ਦੇ ਰਿਹਾ ਹੈ ਜਦੋਂ ਕਿ ਗੁਰਮਤਿ ਦੇ ਪ੍ਰਚਾਰਕਾਂ ਨੂੰ ਕੱਟ ਵੱਢ ਕੇ ਪੇਸ਼ ਕੀਤੀਆਂ ਵੀਡਓ ਕਲਿੱਪ ਦੇ ਅਧਾਰ ’ਤੇ ਹੀ ਪੰਥ ਵਿੱਚੋਂ ਛੇਕ ਕੇ ਪੰਥ ਲਈ ਹੁਕਮ ਚਾੜ੍ਹ ਦਿੱਤਾ ਜਾਂਦਾ ਹੈ ਕਿ ਇਨ੍ਹਾਂ ਨੂੰ ਕਿਸੇ ਵੀ ਪੰਥਕ ਸਟੇਜ਼ ’ਤੇ ਬੋਲਣ ਨਾ ਦਿੱਤਾ ਜਾਵੇ। ਇਹੀ ਨਹੀਂ ਬਲਕਿ ਜਥੇਦਾਰ ਵੱਲੋਂ ਇਨ੍ਹਾਂ ਦੇ ਡੇਰਿਆਂ ’ਤੇ ਜਾ ਕੇ ਉਨ੍ਹਾਂ ਨੂੰ ਪੰਥ ਦੀ ਬਹੁ ਮੁੱਲੀ ਸੇਵਾ ਕਰਨ ਵਾਲੇ ਐਲਾਨਿਆ ਜਾਂਦਾ ਹੈ। ਇਸ ਲਈ ਮਨਮਤ ਦੇ ਪਰਚਾਰ ਲਈ ਕੇਵਲ ਇਹ ਅਖੌਤੀ ਮਹਾਂਪੁਰਖਾਂ ਹੀ ਨਹੀਂ ਬਲਕਿ ਅਕਾਲ ਤਖ਼ਤ ਦਾ ਜਥੇਦਾਰ ਵੀ ਬਰਾਬਰ ਦਾ
