ਅਸੀਂ ਕਦੇ ਨਾ ਸੋਚ-ਵਿਚਾਰ ਕੀਤੀ
ਭਾਵੇਂ ਪੰਜੇ ਉਗਲਾਂ ਨਾ ਇਕਸਾਰ ਹੋਵਣ,
ਫਿਰ ਵੀ ਬਹੁਤੇ ਨੇ ਪਖੰਡੀ ਸਾਧ ਓਏ ਲੋਕੋ !
ਪਹਿਨਣ-ਖਾਣ ਲਈ ਇਹਨਾਂ ਨੂੰ ਦੇਂਦੇ ਹੋ ਤੁਸੀਂ,
ਮੰਨਤ ਪੂਰੀ ਹੋਣ ਦਾ ਲੈ ਕੇ ਖ਼ੁਆਬ ਓਏ ਲੋਕੋ !
ਤੁਹਾਡੇ ਸਹਾਰੇ ’ਤੇ ਆਪ ਪਲ਼ਨ ਜਿਹੜੇ,
ਕਿਵੇਂ ਕਰਨਗੇ ਪੂਰੀ ਫ਼ਰਿਆਦ ਓਏ ਲੋਕੋ ?
ਤੁਸੀਂ ਕਦੇ ਨਾ ਇਹ ਸੋਚ-ਵਿਚਾਰ ਕੀਤੀ,
ਲਾਇਆ ਇਸ ਪਾਸੇ ਨਾ ਕੁਝ ਦਿਮਾਗ਼ ਓਏ ਲੋਕੋ !
ਇੱਜ਼ਤ ਰੋਲ਼ੀ ਜਦੋਂ ਕੌਮ ਦੀ ਹਮਲਾਵਰਾਂ ਨੇ,
ਇਹਨਾਂ ਕੀਹਦੀ ਰੱਖੀ ਦੱਸੋ ਲਾਜ਼ ਓਏ ਲੋਕੋ ?
‘ਮੇਜਰ’ ਹੁਣ ਤਾਂ ਅਕਲ ਤੋਂ ਕੰਮ ਲੈ ਲਓ,
ਵੇਖ ਕਿਵੇਂ ਖੁੱਲ੍ਹੀ ਜਾਂਦੇ ਇਹਨਾਂ ਦੇ ਪਾਜ ਓਏ ਲੋਕੋ !
ਮੇਜਰ ਸਿੰਘ ‘ਬੁਢਲਾਡਾ’ 94176-42327
