ਆਖ਼ਰ ਕੇਜਰੀਵਾਲ ਨੇ ਬਾਦਲ ਪਰਿਵਾਰ ਦੀ ਕਿਹੜੀ ਨਸ ਦਬਾਅ ਦਿੱਤੀ ਕਿ ਉਨ੍ਹਾਂ ਨੂੰ ਦਿੱਲੀ ਸਿੱਖ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਪ੍ਰਚਾਰ ਲਈ ਪਹੁੰਚਣ ਦੀ ਬਜਾਇ ਵਿਦੇਸ਼ (ਅਮਰੀਕਾ) ਯਾਤਰਾ ਕਰਨੀ ਪਈ ?

Kejriwal vs Badal

ਆਖ਼ਰ ਕੇਜਰੀਵਾਲ ਨੇ ਬਾਦਲ ਪਰਿਵਾਰ ਦੀ ਕਿਹੜੀ ਨਸ ਦਬਾਅ ਦਿੱਤੀ ਕਿ ਉਨ੍ਹਾਂ ਨੂੰ ਦਿੱਲੀ ਸਿੱਖ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਪ੍ਰਚਾਰ ਲਈ ਪਹੁੰਚਣ ਦੀ ਬਜਾਇ ਵਿਦੇਸ਼ (ਅਮਰੀਕਾ) ਯਾਤਰਾ ਕਰਨੀ ਪਈ ?

ਗਿਆਨੀ ਅਵਤਾਰ ਸਿੰਘ

ਪੰਜਾਬ ’ਚ ਪਿਛਲੇ ਲੰਮੇ ਸਮੇਂ ਤੋਂ ਵੱਡੇ ਬਾਦਲ ਮੂੰਹੋਂ ਇਹ ਸੁਣਨ ਨੂੰ ਮਿਲਦਾ ਰਿਹਾ ਹੈ ਕਿ ਸਾਡਾ ਤਾਂ ਕਾਂਗਰਸ (ਇੰਦਰਾ ਗਾਂਧੀ) ਕੁਝ ਨਹੀਂ ਵਿਗਾੜ ਸਕੀ ਇਹ (ਕੇਜਰੀਵਾਲ ਵਰਗੇ) ਕੀ ਕਰ ਸਕਦੇ ਹਨ ?, ਪਰ ਹੁਣ ਹਾਲਾਤਾਂ ਨੇ ਊਠ ਨੂੰ ਪਹਾੜ ਹੇਠਾਂ ਲਿਆ ਖੜ੍ਹਾ ਕੀਤਾ ਹੈ।

ਦਰਅਸਲ, ਬਾਦਲ ਸੰਨ 1996 ਤੋਂ ਭਾਰਤੀ ਸੰਵਿਧਾਨ (ਦੇ ਸੈਕੂਲਰ ਸ਼ਬਦ) ਦਾ ਗਲਤ ਪ੍ਰਯੋਗ ਕਰਦਿਆਂ ਅਕਾਲੀ ਦਲ (ਪੰਥਕ) ਨੂੰ ਪੰਜਾਬੀ ਪਾਰਟੀ ਬਣਾਉਣ ਦੇ ਬਾਵਜੂਦ ਵੀ ਗੁਰਦੁਆਰਿਆਂ ਦੀਆਂ ਚੋਣਾਂ ’ਚ ਭਾਗ ਲੈ ਕੇ ਭਾਰਤੀ ਨਿਆਂ ਪ੍ਰਣਾਲੀ ਨੂੰ ਧੋਖਾ ਦਿੰਦਾ ਆ ਰਿਹਾ ਹੈ, ਪਰ ਇਸ ਵਾਰ ਦਿੱਲੀ (ਕੇਜਰੀਵਾਲ) ਸਰਕਾਰ ਨੇ ਗੁਰਦੁਆਰਾ ਚੋਣਾਂ ਲਈ ਭਰੇ ਜਾਂਦੇ ਫਾਰਮ ’ਚੋਂ ਸੈਕੂਲਰ ਕਾਲਮ ਖ਼ਤਮ ਕਰ ਦਿੱਤਾ, ਜਿਸ ਕਾਰਨ ਚੁਣਾਵ ਲੜਨ ਵਾਲੀ ਹਰ ਰਾਜਨੀਤਿਕ ਪਾਰਟੀ ਨੂੰ ਧਾਰਮਿਕ ਪਾਰਟੀ ਲਿਖਣਾ ਜ਼ਰੂਰ ਹੋ ਗਿਆ। ਇਸ ਬੇਵੱਸੀ ਦੀ ਇੱਕ ਝਲਕ ਦਿੱਲੀ ਕਮੇਟੀ ਦੇ ਮਹਾਸਚਿਵ ਮਨਜਿੰਦਰ ਸਿੰਘ ਸਿਰਸਾ (ਬਾਦਲ ਗੁੱਟ) ਦੁਆਰਾ 14-2-2017 ਦੇ ਮੀਡੀਆ ਨੂੰ ਦਿੱਤੇ ਗਏ ਬਿਆਨ ਤੋਂ ਝਲਕਦੀ ਹੈ। ਹੁਣ ਬਾਦਲ ਦਲ ਅਗਰ ਅਕਾਲੀ ਦਲ ਨੂੰ ਧਾਰਮਿਕ ਪਾਰਟੀ ਕਹਿ ਕੇ ਗੁਰਦੁਆਰਾ ਪ੍ਰਬੰਧ ਵਿੱਚ ਆਪਣਾ ਰੋਲ ਅਦਾ ਕਰਦਾ ਹੈ ਤਾਂ ਭਾਰਤੀ ਸੰਵਿਧਾਨ ਮੁਤਾਬਕ ਸ਼੍ਰੋਮਣੀ ਅਕਾਲੀ ਦਲ (ਬਾਦਲ) ਨੂੰ 1996 ’ਚ ਮੋਗਾ ਕਾਨਫਰੰਸ ਰਾਹੀਂ ਸੈਕੀਲਰ ਪਾਰਟੀ ’ਚ ਕੀਤਾ ਗਿਆ ਤਬਦੀਲ ਰੱਦ ਹੋ ਸਕਦਾ ਹੈ, ਜਿਸ ਦਾ ਕੇਸ ਪਹਿਲਾਂ ਹੀ 13 ਮਾਰਚ 2004 ਤੋਂ ਦਿੱਲੀ ਹਾਈ ਕੋਰਟ ’ਚ ਚੱਲ ਰਿਹਾ ਹੈ। ਇਸ ਲਈ ਬਾਦਲ ਪਰਿਵਾਰ ਨੇ ਦਿੱਲੀ ਸਿੱਖ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੀਆਂ ਚੋਣਾਂ ’ਚ ਭਾਗ ਲੈਣ ਦੀ ਬਜਾਏ ਵਿਦੇਸ਼ (ਅਮਰੀਕਾ) ਯਾਤਰਾ ਕਰਨ ਨੂੰ ਤਰਜੀਹ ਦਿੱਤੀ, ਬੇਸ਼ੱਕ ਬਹਾਨਾ ਕਿਸੇ ਬਿਮਾਰੀ ਦਾ ਹੀ ਕਿਉਂ ਨਾ ਲਗਾਉਣਾ ਪਏ।

ਇਸੇ ਵਿਦੇਸ਼ ਯਾਤਰਾ ਦੋਰਾਨ (26 ਫਰਬਰੀ 2017 ਦਿੱਲੀ ਚੁਣਾਵ ਤੇ 11 ਮਾਰਚ ਪੰਜਾਬ ਦੇ ਨਤੀਜੇ ਆਉਣ ਉਪਰੰਤ) ਅਗਰ ਹਾਲਾਤ ਤੰਦਰੁਸਤ ਨਾ ਰਹੇ ਤਾਂ ਵਿਦੇਸ਼ਾਂ ਵਿੱਚ ਰਹਿ ਕੇ ਕੁਝ ਆਰਾਮ ਮਿਲ ਸਕਦਾ ਹੈ ਕਿਉਂਕਿ ਪੰਜਾਬੀਆਂ ਨੇ ਭਾਰਤ ਦੇ ਜਮੀਨੀ ਹਾਲਾਤ ਇਨ੍ਹਾਂ ਅਨੁਕੂਲ ਨਹੀਂ ਰਹਿਣ ਦਿੱਤੇ। ਖਬਰਾਂ ਤਾਂ ਇਹ ਵੀ ਹਨ ਕਿ ਮੋਦੀ ਛੋਟੇ ਬਾਦਲ ਤੇ ਮਜੀਠੀਏ ਨੂੰ ਕੇਂਦਰ ’ਚ ਵਜੀਰ ਬਣਾ ਕੇ ਇਨ੍ਹਾਂ ਦੀ ਕੁਝ ਮਦਦ ਕਰ ਸਕਦਾ ਹੈ ਜਿਵੇਂ ਕਿ ਕਾਂਗਰਸ ਨੇ 5 ਮਾਰਚ 2014 ਨੂੰ ਕੇਰਲ ਦਾ ਰਾਜਪਾਲ ਬਣਾ ਕੇ ਬੀਬੀ ਸ਼ੀਲਾ ਦੀਕਸ਼ਤ ਦੀ ਕੁਝ ਮਦਦ ਕੀਤੀ ਸੀ।