ਆਪੂੰ ਬਣੇ ਡਾਕਟਰ ਅਨੁਰਾਗ ਸਿੰਘ ਨੂੰ ਪੱਤਰ
ਅਨੁਰਾਗ ਸਿੰਘ ਜੀ !
ਮਿਤੀ 8.11.2025 ਵਾਲੀ ਤੁਹਾਡੀ ਫੇਸਬੁੱਕ ਪੋਸਟ ਮਿਤੀ 9 ਨਵੰਬਰ 2025 ਨੂੰ ਕਿਸੇ ਦੋਸਤ ਰਾਹੀਂ ਮਿਲੀ; ਜਿਸ ਨੂੰ ਪੜ੍ਹ ਕੇ ਹਾਸਾ ਵੀ ਆਇਆ ਤੇ ਰੋਣਾ ਵੀ। ਹਾਸਾ ਤਾਂ ਇਸ ਕਾਰਨ ਕਿ ਤੁਸੀਂ (ਅਨੁਰਾਗ ਸਿੰਘ) ਆਪਣੇ ਆਪ ਨੂੰ “ਪੱਕਾ ਇਲਾਜ ਕਰਨ ਵਾਲਾ ਖ਼ਾਨਦਾਨੀ ਇਤਿਹਾਸਕਾਰ ਜੋ ਬੀਮਾਰੀ ਜੱੜ ਤੋ ਖੱਤਮ ਕਰਦਾ ਹੈ,” ਐਲਾਨ ਦਿੱਤਾ ਹੈ। ਰੋਣਾ ਇਸ ਕਾਰਨ ਕਿ ਯੂਨੀਵਰਸਿਟੀਆਂ ਦੇ ਪ੍ਰੋਫੈਸਰ ਅਤੇ ਮੁਖੀ ਇਤਿਹਾਸ ਵਿਭਾਗ, ਵੀ ਤੁਹਾਡੀ ਪੋਲ ਖੋਲ੍ਹਣ ਦੀ ਹਿੰਮਤ ਕਰਨੀ ਤਾਂ ਇੱਕ ਪਾਸੇ; ਤੁਹਾਨੂੰ ਵਿਦਵਾਨ ਮੰਨ ਬੈਠੇ ਹਨ। ਇਸ ਗਰੁੱਪ ਦੇ ਬਾਕੀ ਮੈਂਬਰਾਂ ਨੂੰ ਇਸ ਬੁਝਾਰਤ ਦੀ ਸਮਝ ਲੱਗ ਜਾਵੇ, ਇਸ ਲਈ ਅਨੁਰਾਗ ਸਿੰਘ ਦੀ ਮਿਤੀ 8.11.2025 ਵਾਲੀ ਫੇਸਬੁੱਕ ਪੋਸਟ ਪੜ੍ਹਾਉਣੀ ਜਰੂਰੀ ਹੈ, ਜੋ ਹੇਠਾਂ ਕਾਪੀ ਪੇਸਟ ਕੀਤੀ ਗਈ ਹੈ :
Anurag Singh is with Randhir Singh and 22 others.
Sesondptorc2146cc5c6tmuhm1gt8a0aa9hc2gtgigfm39ii36u76im405i0 ·
ਜਿਸ ਨੇ ਜਨਮਸਾਖੀ ਸਾਹਿਤ ਤੇ ਕੋਈ ਲੇਖ ਨਹੀਂ ਲਿਖਿਆਂ, ਪਰ ਜਨਮਸਾਖੀ ਭਾਈ ਬਾਲਾ ਦੀਆ ਸਾਖੀਆਂ ਨੂੰ ਆਪਣੇ ਲਹਿਜੇ ਵਿੱਚ ਲੋਕਾਂ ਨਾਲ ਸਾਂਝਾ ਕੀਤਾ, ਉਸ ਡਾਕਟਰ ਹਰਪਾਲ ਸਿੰਘ ਪਨੂੰ ਨੂੰ ਡੁੱਬਦੇ ਨਾਸਤਕ ਸਰਵਜੀਤ ਸੈਕਰੋਮੈਟੋ ਅਤੇ ਕਿਰਪਾਲ ਸਿੰਘ ਬਠਿੰਡਾ ਆਪਣਾ ਮਸੀਹਾ ਬਣਾਕੇ ਆਪਣੀ ਡੁੱਬਦੀ ਬੇੜੀ ਵਿੱਚ ਸਵਾਰ ਕਰਕੇ ਆਪਣੀ ਸ਼ਿਕੱਸਤ ਦਾ ਜਨਾਜ਼ਾ ਕੱਢਣ ਲਈ ਪਾਸੇ ਪੱਲਟ ਰਹੇ ਹਨ।
================================================
(੧). ਹਰਪਾਲ ਸਿੰਘ ਪਨੂੰ ਨੂੰ ਪੁੱਛਦੇ ਹੋਏ ਮੈਨੂੰ ਪੁੱਛਦੇ ਹਨ ਕਿ ਜਨਮਸਾਖੀ ਭਾਈ ਬਾਲਾ ਜਿਹੜੀ ਗੁਰੂ ਅੰਗਦ ਦੇਵ ਜੀ ਨੇ ਭਾਈ ਬਾਲਾ ਅਤੇ ਪੈੜਾ ਮੌਖਾ ਤੋ ੧੫੪੦ ਈ ਵਿੱਚ ਲਿਖਵਾਈ ਉਹ ਕਿੱਥੇ ਹੈ। ਮੈ ਦਰਸ਼ਨ ਕਰਨੇ ਚਾਹੁੰਦਾ ਹਾਂ। ਕਿਰਪਾਲ ਸਿੰਘ ਕਿਹੜੀ ਜਨਮਸਾਖੀ ਦਾ ਮੂਲ ਖੱਰੜਾ ਦੇਖ ਚੁੱਕੇ ਹੋ ਤਾਂ ਦੱਸਣਾ ? ਤੁਹਾਡੇ ਨਾਸਤਕ ਗੁਰੂ ਨੇ ਡਾਕਟਰ ਗੁਰਬਚਨ ਕੌਰ ਦੀ ਪਾਬੰਦੀ ਸ਼ੁਦਾ ਪੁਸਤਕ ਜੋ ਛਾਪੀ ਉਹ ਵੀ ਉਤਾਰਾ ਹੈ। ਜਦੋ ਡੰਡਾ ਲੈ ਕੇ ਪਹਿਰੇਦਾਰ ਬੈਠਾ ਹੋਵੇ ਅਤੇ ਮਾਲਿਕ ਨੇ ਆਦੇਸ਼ ਦਿਤੇ ਹੋਣ ਕਿ ਅੱਕਲ ਅੰਦਰ ਨਹੀਂ ਦਾਖਲ ਹੋਣੀ ਚਾਹੀਦੀ ਹੈ, ਤਾ ਤੁਹਾਡੇ ਵਰਗੇ ਪੇਟੀਬੰਦ ਦਿਮਾਗ ਬੇਥਵੀਆਂ ਹੀ ਮਾਰਦੇ ਹੋਏ ਹਾਜ਼ਰੀ ਲਗਾਉਂਦੇ ਹਨ।
(੨). ਦੂਸਰੇ ਡਾਕਟਰ ਕਿਰਪਾਲ ਸਿੰਘ ਦੀ “ਜਨਮਸਾਖੀ ਪਰੰਪਰਾ: ਇਤਿਹਾਸਕ ਦ੍ਰਿਸਟੀਕੋਣ ਤੋ” ਅਤੇ ਡਾਕਟਰ ਗੁਰਬਚਨ ਕੋਰ ਦੀ ਥੀਸਿਸ “ਜਨਮਸਾਖੀ ਭਾਈ ਬਾਲਾ ਦਾ ਪਾਠ ਪਰਮਾਣੀਕਰਨ ਅਤੇ ਆਲੋਚਨਾਤਮਿਕ ਅਧਿਐਨ” ਜੋ ਪੰਜਾਬ ਸਰਕਾਰ ਨੇ ਮਿਲਾਵਟੀ ਸਾਖੀਆਂ ਜੋ ਗੁਰੂ ਸਾਹਿਬ ਦੀ ਕਿਰਦਾਰਕੁਸ਼ੀ ਕਰਦੀਆਂ ਹਨ, ਕਾਰਨ ਪਾਬੰਧੀ ਲਗਾ ਕੇ, ਅੱਗਨ ਭੇਂਟ ਕਰ ਦਿਤੀ ਸੀ) ਉਸ ਨੂੰ ਇਸ ਨਾਸਤਕ ਨੇ ਦੁਬਾਰਾ ਛਾਪ ਕੇ ਗੁਰਮਤਿ ਗਿਆਨ ਮਿਸ਼ਨਰੀ ਕਾਲੇਜ ਲੁਧਿਆਣਾ ਤੋ ਵਿਕਰੀ ਕਰਵਾ ਕੇ ਪੰਜਾਬ ਸਰਕਾਰ ਦੇ ਆਦੇਸ਼ ਦੀ ਉਲੰਘਣਾ ਕਰਕੇ ਸਾਰੀ ਸਿੱਖ ਕੌਮ ਦੇ ਹਿਰਦਿਆਂ ਨੂੰ ਠੇਸ ਪਹੁੰਚਾਉਣ ਦਾ ਉਪਰਾਲਾ ਕੀਤਾ ਜਿਸ ਲਈ ਧਾਰਾ 295-A ਤਹਿਤ ਫ਼ੌਜਦਾਰੀ ਮੁਕੱਦਮਾ ਦਾਇਰ ਕਰਨ ਲਈ ਕੇਸ ਪਿਛਲੇ ਸਾਲ ਭੇਜਿਆ ਸੀ ਜਿਸ ਲਈ ਹੁਣ ਇਕ ਆਖਰੀ ਬੇਨਤੀ ਕਰਕੇ ਸ਼ਿਕਾਇਤ ਦਰਜ ਕਰਵਾ ਦਿਤੀ ਜਾਵੇਗੀ। ਚੂਹੇ ਸ਼ੇਰ ਬਣਕੇ ਘੁੰਮ ਰਹੇ ਹਨ।। ਕੋਈ ਜਵਾਬ ਹਰਪਾਲ ਸਿੰਘ ਪੰਨੂ ਤੋ ਮਿਲਿਆਂ ?
ਪੱਕਾ ਇਲਾਜ ਕਰਨ ਵਾਲਾ ਖ਼ਾਨਦਾਨੀ ਇਤਿਹਾਸਕਾਰ ਜੋ ਬੀਮਾਰੀ ਜੱੜ ਤੋ ਖੱਤਮ ਕਰਦਾ ਹੈ।
ਅਨੁਰਾਗ ਸਿੰਘ, ੮.੧੧.੨੦੨੫।।
………………………………
ਅਨੁਰਾਗ ਸਿੰਘ ਜੀ, ਇਹ ਜ਼ਰੂਰ ਦੱਸਣਾ ਕਿ ਹੁਣ ਤੱਕ ਕਿਹੜੀਆਂ ਕਿਹੜੀਆਂ ਬੀਮਾਰੀਆਂ ਤੁਸੀਂ ਜੜ ਤੋਂ ਖਤਮ ਕੀਤੀਆਂ ਹਨ। ਮੈਨੂੰ ਤਾਂ ਇੰਝ ਜਾਪਦਾ ਹੈ ਕਿ ਜਿਹੜਾ ਤੁਹਾਨੂੰ ਮਾਨਸਿਕ ਰੋਗ ਹੈ, ਤੁਸੀਂ ਉਸ ਦਾ ਪੱਕਾ ਇਲਾਜ ਵੀ ਨਹੀਂ ਕਰ ਸਕੇ। ਜੇ ਤੁਸੀਂ ਮਾਨਸਿਕ ਰੋਗੀ ਨਾ ਹੁੰਦੇ ਤਾਂ ਉਕਤ ਪੋਸਟ ਪਾਉਣ ਤੋਂ ਪਹਿਲਾਂ ਮੇਰੇ ਉਨ੍ਹਾਂ ਸਵਾਲਾਂ ਦਾ ਜਵਾਬ ਜ਼ਰੂਰ ਦਿੰਦੇ, ਜਿਹੜੇ ਇਸ ਗਰੁੱਪ ’ਚ ਸਿੱਧੇ ਤੌਰ ’ਤੇ ਤੁਹਾਨੂੰ ਸੰਬੋਧਨ ਕਰਕੇ ਮਿਤੀ 5 ਨਵੰਬਰ 2025 ਨੂੰ ਸਵੇਰੇ 10.26 ਵਜੇ ਪੁੱਛੇ ਗਏ ਸਨ। ਤੁਹਾਥੋਂ ਪੁੱਛੇ ਗਏ ਸਵਾਲ ਦਾ ਸਹੀ ਉੱਤਰ ਦੇਣ ਦੀ ਥਾਂ ਤੁਸੀਂ ਜਿਹੜਾ ਸਵਾਲ ਸਰਬਜੀਤ ਸਿੰਘ ਸੈਕਰਾਮੈਂਟੋ ਨੇ 7 ਨਵੰਬਰ 2025 ਰਾਤੀ 9.02 ਵਜੇ ਡਾ. ਹਰਪਾਲ ਸਿੰਘ ਪਨੂੰ ਨੂੰ ਪੁੱਛਿਆ, ਉਸ ਦੇ ਜਵਾਬ ’ਚ ਤੁਸੀਂ ਆਪਣੀ ਫੇਸ ਬੁੱਕ ’ਤੇ ਕੇਵਲ 3 ਘੰਟੇ 46 ਮਿੰਟ ਪਿੱਛੋਂ ਹੀ ਮਿਤੀ 8 ਨਵੰਬਰ 2025 ਨੂੰ 00.48 ਵਜੇ ਹਾਸੋਹੀਣੀ ਪੋਸਟ ਪਾ ਦਿੱਤੀ। ਭਾਵੇਂ ਕਿ ਡਾ. ਪਨੂੰ ਨੇ ਪੁੱਛੇ ਗਏ ਸਵਾਲ ਦਾ ਜਵਾਬ 8 ਤਾਰੀਖ਼ ਨੂੰ ਸ਼ਾਮੀ 3.54 ਵਜੇ ਹੀ ਦੇ ਦਿੱਤਾ ਸੀ; ਜਿਸ ’ਤੇ ਮੁੜ ਸਰਬਜੀਤ ਸਿੰਘ ਨੇ ਵੀ ਆਪਣੀ ਟਿੱਪਣੀ ਸ਼ਾਮੀ 6.12 ਵਜੇ ਕਰ ਦਿੱਤੀ ਸੀ। ਡਾ. ਪਨੂੰ ਅਤੇ ਸਰਬਜੀਤ ਸਿੰਘ ਦੇ ਆਪਸ ’ਚ ਹੋਏ ਸਵਾਲ ਜਵਾਬ ਪੜ੍ਹਨ ਤੋਂ ਪਹਿਲਾਂ ਹੀ ਪਤਾ ਨਹੀਂ ਤੁਹਾਡਾ ਅੰਦਰਲਾ ਡਰ ਕਿਸ ਤਰ੍ਹਾਂ ਬੋਲ ਪਿਆ ਕਿ ਤਹਾਨੂੰ ਅੱਧੀ ਰਾਤ 0.48 ਵਜੇ ਹੀ ਪੋਸਟ ਪਾਉਣੀ ਪਈ ਜਿਸ ’ਚ ਤੁਸੀਂ ਲਿਖਿਆ,“ “ਡਾਕਟਰ ਹਰਪਾਲ ਸਿੰਘ ਪਨੂੰ ਨੂੰ ਡੁੱਬਦੇ ਨਾਸਤਕ ਸਰਵਜੀਤ ਸੈਕਰੋਮੈਟੋ ਅਤੇ ਕਿਰਪਾਲ ਸਿੰਘ ਬਠਿੰਡਾ ਆਪਣਾ ਮਸੀਹਾ ਬਣਾਕੇ ਆਪਣੀ ਡੁੱਬਦੀ ਬੇੜੀ ਵਿੱਚ ਸਵਾਰ ਕਰਕੇ ਆਪਣੀ ਸ਼ਿਕੱਸਤ ਦਾ ਜਨਾਜ਼ਾ ਕੱਢਣ ਲਈ ਪਾਸੇ ਪੱਲਟ ਰਹੇ ਹਨ”।”
ਅਨੁਰਾਗ ਸਿੰਘ ਜੀ ! ਅਸੀਂ ਉਸ ਡਰਪੋਕ ਡਾ. ਪਨੂੰ; ਜਿਸ ਨੂੰ ਤੁਸੀਂ ਮਿਤੀ 29 ਜਨਵਰੀ 2015 ਈ: ਦਾ ਐਸਾ ਡਰਾਇਆ ਹੈ ਕਿ ਮੁੜ ਤੁਹਾਡੀ ਵੀਚਾਰਾਧਾਰਾ ਦੇ ਵਿਰੁੱਧ ਤਾਂ ਕੀ ਲਿਖਣਾ ਸੀ ਸਗੋਂ ਸਾਡੇ ਵਰਗੇ ਜਿਹੜੇ ਤੁਹਾਨੂੰ ਸਵਾਲ ਪੁੱਛਦੇ ਹਨ ਉਨ੍ਹਾਂ ਨੂੰ ਵੀ Discourage ਕਰਨ ਲਈ ਲਿਖਦਾ ਹੈ :
“ਕਿੰਨਾ ਫਾਲਤੂ ਸਮਾ ਹੈ ਇਨ੍ਹਾਂ ਮਹਾਂਪੁਰਖਾਂ ਕੋਲ…! ਹਰਪਾਲ ਸਿੰਘ ਪੰਨੂ”।
ਗਰੁੱਪ ਮੈਂਬਰਾਂ ਦੀ ਜਾਣਕਾਰੀ ਹਿਤ ਦੱਸਣਾ ਜ਼ਰੂਰੀ ਹੈ ਕਿ ਮਿਤੀ 17 ਜਨਵਰੀ 2015 ਈ: ਨੂੰ ਨਾਨਕਸ਼ਾਹੀ ਕੈਲੰਡਰ ਦੇ ਸਮਰਥਨ ’ਚ ਡਾ. ਪਨੂੰ ਦਾ ਲੇਖ “ਨਾਨਕਸ਼ਾਹੀ ਕੈਲੰਡਰ ਵਿਵਾਦ” ਪੰਜਾਬ ਟਾਈਮ ਦੇ ਪੰਨਾ 14 ’ਤੇ ਛਪਿਆ ਸੀ। ਉਸ ਦੇ ਜਵਾਬ ’ਚ ਅਨੁਰਾਗ ਸਿੰਘ ਨੇ ਜਿਸ ਤਰ੍ਹਾਂ ਦੀ ਭਾਸ਼ਾ ਉਕਤ ਪੋਸਟ ’ਚ ਵੇਖੀ ਜਾ ਸਕਦੀ ਹੈ; ਉਸੇ ਤਰ੍ਹਾਂ ਦੀ ਭਾਸ਼ਾ ’ਚ ਲੇਖ “IHRO Fresh Note on So-called Nanakshahi Calendar (Purewal) in Response to Dr Harpal Singh Pannu’s Views” ਲਿਖ ਦਿੱਤਾ। ਭਾਵੇਂ ਮਿਤੀ sikhmarg.com ’ਤੇ 8 ਫ਼ਰਵਰੀ 2015 ਨੂੰ ਸਰਬਜੀਤ ਸਿੰਘ ਸੈਕਰਾਮੈਂਟੋ ਨੇ ਅਨੁਰਾਗ ਸਿੰਘ ਦੇ ਜਵਾਬ ਦਾ ਠੋਸ ਤਕਨੀਕੀ ਤੱਥਾਂ ਦੇ ਆਧਾਰ ’ਤੇ ਖੰਡਨ ਅਤੇ ਡਾ. ਪੰਨੂੰ ਦਾ ਸਮਰਥਨ ਕੀਤਾ, ਪਰ ਦੇਸ ਵਿਦੇਸ ਦਾ ਮੰਨਿਆ ਪ੍ਰਮੰਨਿਆ ਵਿਦਵਾਨ ਡਾ. ਪੰਨੂੰ ਐਸਾ ਡਰਿਆ ਕਿ ਜਿੱਥੇ ਅਨੁਰਾਗ ਸਿੰਘ ਦਾ ਨਾਮ ਆ ਜਾਵੇ ਉਸ ’ਤੇ ਟਿੱਪਣੀ ਕਰਨ ਤੋਂ ਤਾਂ ਡਰਦਾ ਹੀ ਹੈ ਕਿ ਕਦੀ ਭੁੱਲ ਭੁਲੇਖੇ ਐਸੀ ਗੱਲ ਨਾ ਲਿਖ ਬੈਠਾਂ ਜਿਸ ਦਾ ਅਨੁਰਾਗ ਸਿੰਘ ਗੁੱਸਾ ਮਨਾ ਜਾਵੇ; ਸਗੋਂ ਸਵਾਲ ਕਰਨ ਵਾਲਿਆਂ ਲਈ ਆਪਣੀ ਉਕਤ ਪੋਸਟ ਦੁਹਰਾ ਦਿੰਦਾ ਹੈ।
ਅਨੁਰਾਗ ਸਿੰਘ ਜੀ ! ਸਾਨੂੰ ਡਾ. ਪਨੂੰ ਰਾਹੀਂ ਤੁਹਾਨੂੰ ਸਵਾਲ ਪੁੱਛਣ ਦੀ ਕੋਈ ਲੋੜ ਨਹੀਂ ਸਗੋਂ ਸਿੱਧੇ ਤੁਹਾਨੂੰ ਮੁਖਾਤਬ ਹੋ ਕੇ ਮੇਲ ਰਾਹੀਂ 5 ਨਵੰਬਰ 2025 ਨੂੰ ਸਵੇਰੇ 10.26 ਵਜੇ ਹੀ ਸਵਾਲ ਕਰ ਚੁੱਕੇ ਹਾਂ ਜਿਸ ਦਾ ਹਾਲੀ ਤੱਕ ਤੁਹਾਡਾ ਕੋਈ ਜਵਾਬ ਨਹੀਂ ਆਇਆ ਜਦਕਿ ਸਵਾਲ ਪੁੱਛਿਆ ਡਾ. ਪਨੂੰ ਨੂੰ, ਪਰ ਤੁਹਾਨੂੰ ਉਨ੍ਹਾਂ ਚਿਰ ਨੀਂਦ ਨਹੀਂ ਆਈ ਜਦ ਤੱਕ ਤੁਸੀਂ ਆਪਣੇ ਮਨ ਦੀ ਭੜਾਸ ਕੱਢ ਨਾ ਲਈ। ਹੁਣ ਜਦੋਂ ਤੁਸੀਂ ਆਪਣੇ ਆਪ ਨੂੰ “ਪੱਕਾ ਇਲਾਜ ਕਰਨ ਵਾਲਾ ਖ਼ਾਨਦਾਨੀ ਇਤਿਹਾਸਕਾਰ ਜੋ ਬੀਮਾਰੀ ਜੱੜ ਤੋ ਖੱਤਮ ਕਰਦਾ ਹੈ”, ਐਲਾਨ ਹੀ ਦਿੱਤਾ ਹੈ; ਇਸ ਲਈ ਤੁਹਾਨੂੰ ਬੇਨਤੀ ਹੈ ਕਿ ਮੇਰੇ ਸਵਾਲ ਜਿਹੜੇ ਕਿ ਤੁਹਾਡੀ ਸਹੂਲਤ ਲਈ ਇੱਥੇ ਦੁਹਰਾਏ ਜਾ ਰਹੇ ਹਨ, ਉਨ੍ਹਾਂ ਦਾ ਤੱਥਾਂ ਆਧਾਰਿਤ ਜਵਾਬ ਦੇ ਕੇ ਮੇਰਾ ਪੱਕਾ ਇਲਾਜ ਜ਼ਰੂਰ ਕਰ ਦਿਓ :
- ਇਸ ਗਰੁੱਪ ਦੀ ਸ਼ੁਰੂਆਤੀ ਮੇਲ (ਮਿਤੀ 5 ਨਵੰਬਰ 2025) ਜਿਸ ’ਚ ਤੁਹਾਡੀ ਹੀ ਵੀਡੀਓ https://www.dailymotion.com/video/x9sbkde?fbclid=IwY2xjawNrLGFleHRuA2FlbQIxMQBicmlkETFZUjExMnhxeXFpa1pmMjhhAR5lsDucVV_Zel68zKKJsM1oHHP9_qUAB5pHlvmwWKM1MgJ5-2uMYZjCjHcXeQ_aem_ExgWoqMKjy6y3aquFG3p1g ਲਿੰਕ ’ਤੇ ਸੁਣ ਕੇ ਤੁਹਾਨੂੰ ਦੋ ਸਵਾਲ ਕੀਤੇ ਸਨ (ਉ) ਹਿੰਦੂ ਸ਼ਾਸਤਰਾਂ ਮੁਤਾਬਕ ਦੀਵਾਲੀ ਕੱਤਕ ਦੀ ਮੱਸਿਆ ਨੂੰ ਹੀ ਹੁੰਦੀ ਹੈ ਜਾਂ ਕਦੀ ਕਦੀ ਕੱਤਕ ਵਦੀ ਚਉਦਸ ਨੂੰ ਭੀ ਹੋ ਸਕਦੀ ਹੈ ? (ਅ) ਜੇ ਤੁਹਾਡੇ ਮੁਤਾਬਕ ਸਿੱਖਾਂ ਦੀ ਦੀਵਾਲੀ ਹਮੇਸ਼ਾਂ ਕੱਤਕ ਦੀ ਮੱਸਿਆ ਨੂੰ ਹੀ ਹੁੰਦੀ ਹੈ ਤਾਂ ਕਿਸੇ ਠੋਸ ਹਵਾਲੇ ਨਾਲ ਦੱਸਿਆ ਜਾਵੇ ਕਿ ਗੁਰੂ ਹਰਿਗੋਬਿੰਦ ਸਾਹਿਬ ਜੀ ਕਿਸ ਤਿੱਥ, ਮਹੀਨੇ ਅਤੇ ਸੰਮਤ ਨੂੰ ਪਹਿਲੀ ਵਾਰ ਦਰਬਰ ਸਾਹਿਬ ਪਹੁੰਚੇ ਸਨ ਜਿਸ ਦੀ ਖੁਸ਼ੀ ’ਚ ਸਿੱਖਾਂ ਨੇ ਦੀਵਾਲੀ ਮਨਾਉਣੀ ਸ਼ੁਰੂ ਕੀਤੀ ਸੀ ?
- ਤੁਹਾਡੇ ਸਨਮਾਨ ਯੋਗ ਪਿਤਾ ਸ਼੍ਰੀ ਡਾ ਤ੍ਰਿਲੋਚਨ ਸਿੰਘ ਜੀ ਲਿਖਦੇ ਹਨ, “A day before the Dussehra festival Guru Hari Rai announced that Hari Krishan would be installed his successor and the Eighth Guru of the Sikh Community, the next day. Early the next morning, Asu Vadi ੧੦, Samvat ੧੭੧੮, 23rd September 1661 A.D. prayers were performed and a large congregation sang Psalms and Hymns for the joyful occasion. A special durbar was held in the place known as Takhat Asthan in Kiratpur…Thus Sri Hari Krishan was installed the Guru on 23rd September 1661, When he was just 5 years, 2 month and 16 days old”. Asu Vadi ੧੦, Samvat ੧੭੧੮, 23rd September 1661 A.D. (Life of Guru Hari Krishan, Page 86-87)[1]
ਕੀ ਤੁਹਾਡੇ ਪਿਤਾ ਸ਼੍ਰੀ ਦੀ ਇਹ ਲਿਖਤ 100% ਸਹੀ ਹੈ ਜਾਂ ਉਨ੍ਹਾਂ ਦਾ ਵੀ ਕੋਈ ਪੱਕਾ ਇਲਾਜ ਕਰਨਾ ਅਜੇ ਬਾਕੀ ਹੈ ?
- ਤੁਸੀਂ ਲਿਖਿਆ ਹੈ : “ਕਿਰਪਾਲ ਸਿੰਘ ਕਿਹੜੀ ਜਨਮਸਾਖੀ ਦਾ ਮੂਲ ਖੱਰੜਾ ਦੇਖ ਚੁੱਕੇ ਹੋ ਤਾਂ ਦੱਸਣਾ ?”, ਮੈਂ ਮੰਨਦਾ ਹਾਂ ਕਿ ਮੈਂ ਕਿਸੇ ਵੀ ਜਨਮ ਸਾਖੀ ਦਾ ਮੂਲ ਖਰੜਾ ਨਹੀਂ ਵੇਖਿਆ, ਪਰ ਤੁਹਾਡੇ ਤਾਂ ਸਾਰੇ ਹੀ ਮੂਲ ਖਰੜੇ ਚੰਗੀ ਤਰ੍ਹਾਂ ਘੋਖੇ-ਪੜਤਾਲੇ ਹਨ ਇਸ ਲਈ ਬੇਨਤੀ ਕਿ ਤੁਸੀਂ ਭਾਈ ਬਾਲੇ ਵਾਲੀ ਉਸ ਜਨਮ ਸਾਖੀ, ਜਿਸ ਨੂੰ ਤੁਸੀਂ ਸਭ ਤੋਂ ਸ਼ੁੱਧ ਅਤੇ ਮੰਨਣਯੋਗ ਸਮਝਦੇ ਹੋ, ਉਸ ਮੂਲ ਖਰੜੇ ਦੇ ਦਰਸ਼ਨ ਕਰਵਾ ਦਿਓ ਤਾਂ ਨਿਹਾਲ ! ਨਿਹਾਲ ! ਨਿਹਾਲ ! ਹੋ ਜਾਵਾਂਗੇ ਜੀ। (ਕਿਰਪਾਲ ਸਿੰਘ ਬਠਿੰਡਾ)
ਨੋਟ : ਅਨੁਰਾਗ ਸਿੰਘ ਆਪਣੀ ਜਿਸ ਫੇਸਬੁੱਕ ’ਤੇ ਆਪਣੇ ਆਪ ਨੂੰ “ਪੱਕਾ ਇਲਾਜ ਕਰਨ ਵਾਲਾ ਖ਼ਾਨਦਾਨੀ ਇਤਿਹਾਸਕਾਰ ਜੋ ਬੀਮਾਰੀ ਜੱੜ ਤੋ ਖੱਤਮ ਕਰਦਾ ਹੈ”, ਦਾ ਐਲਾਨ ਕਰਦਾ ਹੈ, ਉਥੇ ਜਿਨ੍ਹਾਂ ਦਾ ਪੱਕਾ ਇਲਾਜ ਕਰਨਾ ਚਾਹੁੰਦਾ ਹੈ ਉਹ ਤਾਂ ਇਸ ਨੇ ਬਲਾਕ ਕੀਤੇ ਹੋਏ ਹਨ ਭਾਵ ਜਿਨ੍ਹਾਂ ਦੇ ਇਲਾਜ ਦੀ ਲੋੜ ਹੈ ਜਾਂ ਜੋ ਲੋੜਵੰਦ ਮਰੀਜਾਂ ਨੂੰ ਇਸ ਆਪੂੰ ਬਣੇ ਡਾਕਟਰ ਪਾਸ ਇਲਾਜ ਲਈ ਲਿਆ ਸਕਦੇ ਹਨ, ਉਨ੍ਹਾਂ ਲਈ ਤਾਂ ਦਰਵਾਜੇ ਬੰਦ ਕਰ ਰੱਖੇ ਹਨ। ਇਸ ਲਈ ਪਾਠਕਾਂ ਨੂੰ ਬੇਨਤੀ ਹੈ ਕਿ ਇਸ ਤੋਂ ਜ਼ਰੂਰ ਪੁੱਛਿਆ ਜਾਵੇ ਕਿ ਕੀ ਇਹ ਪੱਕਾ ਇਲਾਜ ਸਿਰਫ ਆਪਣੇ ਹੀ ਫੇਸਬੁੱਕ ਦੋਸਤਾਂ ਦਾ ਕਰਨਗੇ ? ਕੀ ਇਹ ਆਪਣੇ ਦੋਸਤਾਂ ਨੂੰ ਹੀ ਰੋਗੀ ਸਮਝਦਾ ਹੈ ? ਜੇ ਇਸ ਦੇ ਦੋਸਤ ਰੋਗੀ ਹਨ ਤੇ ਹੁਣ ਤੱਕ ਉਨ੍ਹਾਂ ਦਾ ਇਲਾਜ ਨਹੀਂ ਕਰ ਸਕੇ ਤਾਂ ਸਮਝੋ ਇਸ ਦਾ ਦਾਅਵਾ 100% ਝੂਠਾ ਹੈ।
