ਪੰਜਾਬ ਦੀ ਸੱਤਾ ਅਦਲਾ-ਬਦਲੀ ’ਚ ਮਾਹਰ ਦੋ ਪ੍ਰਮੁੱਖ ਪਾਰਟੀਆਂ (ਕਾਂਗਰਸ ਤੇ ਅਕਾਲੀ ਦਲ ਬਾਦਲ) ਪਾਣੀ ਵੰਡ ਦੇ ਸੰਵੇਦਨਸ਼ੀਲ ਮੁੱਦੇ ’ਤੇ ਕਿਵੇਂ ਆਪਣੀ ਬੇਵਕੂਫ਼ੀ ’ਤੇ ਪਰਦਾ ਪਾ ਰਹੀਆਂ ਹਨ ?

ਪੰਜਾਬ ਦੀ ਸੱਤਾ ਅਦਲਾ-ਬਦਲੀ ’ਚ ਮਾਹਰ ਦੋ ਪ੍ਰਮੁੱਖ ਪਾਰਟੀਆਂ (ਕਾਂਗਰਸ ਤੇ ਅਕਾਲੀ ਦਲ ਬਾਦਲ) ਪਾਣੀ ਵੰਡ ਦੇ ਸੰਵੇਦਨਸ਼ੀਲ ਮੁੱਦੇ ’ਤੇ ਕਿਵੇਂ ਆਪਣੀ ਬੇਵਕੂਫ਼ੀ ’ਤੇ ਪਰਦਾ ਪਾ ਰਹੀਆਂ ਹਨ ?

(ੳ). ਸੁਖਵੀਰ ਬਾਦਲ ਨਾਲ਼ ਹੋਈ ਗੱਲਬਾਤ ਦਾ ਸਾਰ-ਅੰਸ਼:

ਸਵਾਲ (1). ਤੁਹਾਡੇ ਹਮਾਇਤੀ ਦੇਵੀ ਲਾਲ ਤੋਂ ਪ੍ਰਕਾਸ ਬਾਦਲ ਨੇ 2 ਕਰੋੜ ਦਾ ਚੈੱਕ ਨਹਿਰ ਬਣਾਉਣ ਲਈ ਲਿਆ, ਫਿਰ ਦੋਸ਼ੀ ਕਾਂਗਰਸ ਕਿਵੇਂ ?

ਜਵਾਬ: ਇਹ ਸਭ ਕੇਂਦਰ ਦੇ ਦਬਾਅ ’ਚ ਹੋਇਆ।

ਸਵਾਲ (2). ਹਰਿਆਣਾ ਸਰਕਾਰ ਦੁਆਰਾ ਨਿਯੁਕਤ ਕੀਤੇ ਗਏ 40 ਵਕੀਲਾਂ ਦੇ ਪੈਨਲ ਦੇ ਮੁਕਾਬਲੇ ਤੁਸੀਂ ਕੋਰਟ ’ਚ ਕੇਵਲ ਇੱਕ ਯੂਨੀਅਰ ਵਕੀਲ ਨਾਲ ਹੀ ਕੇਸ ਲੜਦੇ ਰਹੇ, ਕਿਉਂ ?

ਜਵਾਬ: ਅਦਾਲਤ ’ਚ ਜ਼ਿਰਹ ਅਸੀਂ ਪੂਰੀ ਤਾਕਤ ਨਾਲ਼ ਕੀਤੀ, ਪਰ ਫ਼ੈਸਲਾ ਤਾਂ ਜੱਜ ਨੇ ਦੇਣਾ ਸੀ।

ਸਵਾਲ (3). ਵੱਡੇ ਬਾਦਲ ਕਹਿ ਰਹੇ ਹਨ ਕਿ ਮੋਗਾ ਰੈਲੀ ’ਚ ਪਰਿਵਾਰ ਦਾ ਇੱਕ ਮੈਬਰ ਭੇਜੋ ਤਾਂ ਜੋ ਸੁਪਰੀਮ ਕੋਰਟ ਦੇ ਫ਼ੈਸਲੇ ਨੂੰ ਚਨੌਤੀ ਦਿੱਤੀ ਜਾਏ, ਕੀ ਇਹ ਉਚਿਤ ਤਰੀਕਾ ਹੈ ?

ਜਵਾਬ: ਇਹ ਲੜਾਈ ਪੰਜਾਬੀਆਂ ਲਈ ਹੈ। ਸਿਆਸਤ ਤਾਂ ਕਾਂਗਰਸ ਕਰ ਰਹੀ ਹੈ। 

ਸਵਾਲ (4). ਤੁਸੀਂ ਰਾਸ਼ਟਰਪਤੀ ਨੂੰ ਕਿਉਂ ਨਹੀਂ ਮਿਲ ਰਹੇ ?

ਜਵਾਬ: ਅਸੀਂ ਉਚਿਤ ਕਾਰਵਾਈ ਕੀਤੀ ਪਰ ਮੌਕਾ ਨਹੀਂ ਮਿਲਿਆ।

(ਅ). ਕੈਪਟਨ ਨਾਲ਼ ਹੋਈ ਗੱਲਬਾਤ ਦਾ ਸਾਰ-ਅੰਸ਼:

ਸਵਾਲ (1). ਆਪ 17 ਤਾਰੀਕ ਨੂੰ ਰਾਸ਼ਟਰਪਤੀ ਪਾਸ ਮਿਲਣ ਜਾ ਰਹੇ ਹੋ, ਪਰ ਮੁੱਖ ਮੰਤਰੀ ਨੂੰ ਮੌਕਾ ਨਹੀਂ ਮਿਲਿਆ, ਕੀ ਕਾਰਨ ?

ਜਵਾਬ: ਉਨ੍ਹਾਂ ਨੇ ਕੋਈ ਪੱਤਰ ਰਾਸ਼ਟਰਪਤੀ ਪਾਸ ਨਹੀਂ ਭੇਜਿਆ।

ਸਵਾਲ (2). 1981 ’ਚ ਇੰਦਰ ਗਾਂਧੀ ਦੁਆਰਾ ਕਪੂਰੀ ਨਹਿਰ ਦਾ ਟੱਕ ਲਾਉਣ ਸਮੇਂ ਤੁਸੀਂ ਖ਼ੁਸ਼ ਸੀ ਪਰ ਹੁਣ ਨਰਾਜ਼ ?

ਜਵਾਬ: ਜ਼ਮੀਨ ਤਾਂ ਬਾਦਲ ਨੇ ਦਿੱਤੀ ਹੈ।

ਸਵਾਲ (3). ਆਪ ਨੇ ਸੰਸਦੀ ਸੀਟ ਛੱਡ ਦਿੱਤੀ ਪਰ ਬਾਕੀ ਪੰਜਾਬ ਦੇ ਸੰਸਦਾਂ ਨੇ ਕਿਉਂ ਨਹੀਂ ਛੱਡੀ ?

ਜਵਾਬ: ਮੈਂ ਉਨ੍ਹਾਂ ਨੂੰ ਕੁਛ ਨਹੀਂ ਕਹਿ ਸਕਦਾ।

ਸਵਾਲ (4). ਅਗਰ ਤੁਹਾਡੀ ਸਰਕਾਰ ਆਈ ਤਾਂ ਕੀ ਕਰੋਗੇ ? ਜਦ ਤੁਹਾਡਾ ਪਹਿਲਾ ਬਣਾਇਆ ਕਾਨੂੰਨ ਹੀ ਰੱਦ ਹੋ ਗਿਆ ?

ਜਵਾਬ: ਪੰਜਾਬ ਸਰਕਾਰ ਨੇ ਅਗਾਂਹ ਕੁਝ ਨਹੀਂ ਕੀਤਾ।