ਧਰਮਾਂ ਦੇ ਨਾਂ ’ਤੇ
ਧਰਮਾਂ ਦੇ ਨਾਂ ਹੇਠ ਚੱਲ ਰਿਹਾ ਦੋਖੋ, ਅੱਜ ਕੱਲ੍ਹ ਬਹੁਤਾ ਹੀ ਹੈ ਧੰਦਾ ਜੀ।
ਬਹੁਤੇ ਇਸ ਚੱਕਰ ਵਿੱਚ ਫਸ ਗਏ, ਬਚਿਆ ਨਾ ਕੋਈ ਬੰਦੀ ਚਾਹੇ ਬੰਦਾ ਜੀ।
ਮੋਟੀਆਂ ਰਕਮਾਂ ’ਕੱਠੀਆਂ ਉਹ ਕਰ ਗਏ, ਮੰਗਦੇ ਸੀ ਜੋ ਥੋੜ੍ਹਾ-ਥੋੜ੍ਹਾ ਚੰਦਾ ਜੀ।
ਕੋਈ ਹੀ ਚੰਗੀ ਸੋਚ ਵਾਲਾ ਹੈ ਬਚਿਆ, ਬਹੁਤਿਆਂ ਦੇ ਗਲ ਪਿਆ ਇਹ ਫੰਦਾ ਜੀ।
ਜਿੱਧਰ ਦੇਖੋ ਉੱਧਰ ਹੋ ਰਹੇ ਨੇ ਪਾਖੰਡ, ਪਾਠ-ਪੂਜਾ ਦੇ ਨਾਂ ਹੇਠ ਚੱਲਦਾ ਰੰਦਾ ਜੀ।
ਧਰਮ ਗੁਰੂ, ਬਾਬਿਆਂ ਦੇ ਚੁੱਕ ਗਏ ਪਰਦੇ, ਕੰਮ ਜੋ ਕਰਦੇ ਸੀ ਡਿੱਗੇ ਹੋਏ ਗੰਦਾ ਜੀ।
ਬਣ ਧਰਮੀ ਕਹਾ ਰਹੇ ਨੇ ਨੰਦ ਲਾਲ ਹੁਣ, ਜੋ ਸੀ ਕਦੇ ਇਹ ਨੰਦੂ ਤੇ ਨੰਦਾ ਜੀ।
ਮੁਨੱਖਤਾ ਦੀ ਸਾਰ ਨਾ ਲੈਂਦਾ ਕੋਈ, ਕਰਨੀਆਂ ਕੀ ਨੇ ਸੋਨੇ ਦੀਆਂ ਕੰਧਾਂ ਜੀ।
ਕਈ ਧਰਮੀ ਬਣੇ ਅੱਜ ਹਨ ਕਰੋੜਪਤੀ, ਪਰ ਬੱਬੀ ਵਰਗਿਆਂ ਦਾ ਚੱਲ ਰਿਹਾ ਮੰਦਾ ਜੀ।
ਬਲਬੀਰ ਸਿੰਘ ਬੱਬੀ-92175-92531
